Varhoma 4:9 - Xitsonga (Bibele)

⁹ Loko swi ri tano, xana ku kateka loku ku tela lavo yimba ntsena xana? Xana a ku teri na vona lava nga yimbangiki xana? Hikuva ha ha ku vula leswaku Abrahama u hlayeriwile ku pfumela ka yena ku lulama.

BIBELE Mahungu Lamanene

⁹ Loko swi ri tano, xana ku kateka loku i ka lavo yimba ntsena ke, kumbe na lava nga yimbangiki i ka vona xana? Hikuva ha ha ku vula leswaku Abrahama ú hlayiwile la lulameke hikwalaho ka ku pfumela ka yena.

Testamente Leyimpsha Xichangana

⁹ Loko svilitano, xana kukateka loku i ka lavoyimba ntsena, kumbe ni lavangayimbangiki i ka vona ke? Hikuva hahakuvula lesvaku Abrahamu ahlayiwile lweyi alulameke hikolaho ka kupfumela ka yena.

Varhoma 4:9 Referans Kwoze

Vagalatiya 3:14

leswaku ku kateka ka Abrahama ku tela vamatiko ha Yesu Kriste, leswaku hi amukela hi ku pfumela ku tshembisiwa ka Moya.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Varhoma 4:3

Hikuva Tsalwa ri te yini? Ri te: “Abrahama u pfumerile eka Xikwembu, kutani u hlayeriwe swona leswaku i ku lulama ka yena.”

Luka 2:32

leswaku ku ve ku vonakala loku nga ta voninga matiko, ni ku kwetsima ka Israele, tiko ra wena.”

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Genesa 15:6

Abrama a pfumela eka Yehovha, Yehovha a n'wi hlayela kona ku lulama.

Varhoma 4:10

Xana u hlayeriwe a lo yini? Xana hi loko a yimbile, kumbe loko a nga si yimba? A hi loko a yimbile, kambe loko a nga si yimba.