Varhoma 4:16 - Xitsonga (Bibele)

¹⁶ Hikwalaho-ke, swi humelele hi ku pfumela, leswaku swi endliwa hi tintswalo, leswaku ku tshembisa ka Xikwembu ku ta tiya eka rixaka hinkwaro, ku nga ri eka rixaka leri nga rona hi nawu ntsena, kambe ku va ni ka leri nga rona hi ku pfumela ka Abrahama, loyi a nga tata wa hina hinkwerhu,

BIBELE Mahungu Lamanene

¹⁶ Ku pfumela i mhaka leyi lavekaka, leswaku hinkwaswo swi va leswi tirhiwaka hi tintswalo ta Xikwembu, ni ku endlela leswaku xitshembiso xi va lexi tiyeke eka vatukulu hinkwavo va Abrahama, ku nga ri ntsena eka lava va namarhelaka Nawu, kambe ni ka lava va namarhelaka ku pfumela loku a ku ri na yena; hi yena loyi a nga tata wa hina hinkwerhu,

Testamente Leyimpsha Xichangana

¹⁶ Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu,

Varhoma 4:16 Referans Kwoze

Vaefesa 2:8

Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

Vagalatiya 3:22

kambe Matsalwa ma pfarile hinkwaswo eku dyoheni, leswaku leswi tshembisiweke swi nyikiwa eka vapfumeri hi ku pfumela eka Yesu Kriste.

Varhoma 9:8

Hi leswaku lava nga vana hi nyama, a hi vona lava nga vana va Xikwembu, kambe vana va ku tshembisiwa, hi vona lava vuriwaka vana.

Tito 3:7

leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

Varhoma 15:8

Hikuva ndzi ri: Kriste a a ri nandza wa lavo yimba, ku tiyisa ntiyiso wa Xikwembu, ni ku tiyisa ku tshembisa loku nga tshembiseriwa vatatana,

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

Esaya 51:2

Langutani Abrahama, tata wa n'wina, na Sara la mi velekeke; hikuva ndzi n'wi vitanile loko a ri swakwe, kutani ndzi n'wi katekisile, ndzi va ndzi n'wi andzisa.

2 Petro 1:10

Hikwalaho, vamakwerhu, chivirikani ngopfungopfu ku tiyisa ku vitiwa ni ku hlawuriwa ka n'wina; hikuva loko mi endlisa sweswo, mi nga ka mi nga khunguvanyeki ni siku ni rin'we.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Luka 19:9

Kutani Yesu a ku eka yena: “Namuntlha ku hanya ku nghenile endlwini leyi, hikuva na yena loyi, i n'wana Abrahama;

Varhoma 3:22

ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;

Varhoma 3:30

hikuva Xikwembu i xin'we ntsena, lexi nga ta khanisa lava ku yimba hi ku pfumela ni makhuna hi ku pfumela.

Vagalatiya 3:14

leswaku ku kateka ka Abrahama ku tela vamatiko ha Yesu Kriste, leswaku hi amukela hi ku pfumela ku tshembisiwa ka Moya.

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.