Varhoma 4:15 - Xitsonga (Bibele)

¹⁵ hikuva nawu wu humesa vukari, hikuva laha nawu wu nga riki kona, ni ku tlula a ku kona.

BIBELE Mahungu Lamanene

¹⁵ hikuva nawu wu vanga vukari, kambe laha ku nga hava nawu, ku hava ni ku wu tlula.

Testamente Leyimpsha Xichangana

¹⁵ hikuva nawu wuvanga vukarhi, kambe laha nawu wukalaka wungali kona, aku na kuwutlula.

Varhoma 4:15 Referans Kwoze

Varhoma 5:13

Hikuva ku ko ku fika nawu, vudyoho a byi ri kona emisaveni; kambe vudyoho a byi hlayeriwi munhu nawu wu nga ri kona.

Vagalatiya 3:10

Hikuva hinkwavo lava namarhelaka mitirho ya nawu, va le ku rhukaniweni, hikuva ku tsariwe va ku: “Ku rhukaniwa mani na mani la nga tiyiseriki eka hinkwaswo leswi tsariweke ebukwini ya nawu ku swi endla.”

1 Vakorinto 15:56

Ndzhombo wa rifu i xidyoho; kutani matimba ya xidyoho, i nawu.

Vagalatiya 3:19

Loko swi ri tano, nawu i wa ku endla yini-ke? Wu nyikiwe endzhaku hikwalaho ka ku dyoha, ku ko ku humelela rixaka leri ku tshembisa ku endleriweke rona, kutani ku tiyisiwe hi tintsumi, evokweni ra muhlanganisi.

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

1 Yohane 3:4

Un'wana ni un'wana la dyohaka u tlula nawu; hikuva ku dyoha i ku tlula nawu.

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Yohane 15:22

Loko ngi ndzi nga tanga ndzi vulavula na vona, a va nga ta va na nandzu, kambe sweswi, a va na lexi va nga ta landzula ha xona nandzu wa vona.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Ezekiele 7:19

Va ta cukumeta silivhere ya vona emitsendzeleni, ni nsuku wa vona wu ta va thyaka eka vona, kasi silivhere ni nsuku a swi nga koti ku va ponisa esikwini ra vukari bya Yehovha; swi nga ka swi nga ha xurhisi mimoya ya vona, hambi ma ri makhwiri ya vona; hikuva hi swona leswi nga va dyohisa.

Vakolosa 3:6

hikwalaho ka leswo ku kariha ka Xikwembu ku telaka vanhu lava nga pfumeriki;

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Swirilo 2:22

U ndzi rhambele ku chavisa hi matlhelo hinkwawo, kukota loko ngi siku ra nkhuvo; Kutani a ku vanga na la poneke, ni la siyiweke esikwini ra vukari bya Yehovha. Lava ingi ndzi va tsetselele, lava ndzi va kuriseke, La ndzi vengaka u va herisile.

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

2 TIHOSI 22:13

“Yanani, mi ndzi vutisela Yehovha, mi vutisela ni tiko ni va Yuda hinkwavo hikwalaho ka buku leyi kumiweke; hikuva vukari bya Yehovha lebyi hi pfurheleke byikulu, hikuva vatata wa hina a va yingisangi marito ya buku leyi, ku endla hinkwaswo hilaha hi tsaleriweke hakona eka yona.”

Tinhlayo 32:14

Kutani sweswi mi yima ematshan'weni ya vatata wa n'wina, mi ri rixaka ra vadyohi, mi lavela Israele ku engetela ku kariha ha Yehovha.

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.