Varhoma 4:11 - Xitsonga (Bibele)

¹¹ Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

BIBELE Mahungu Lamanene

¹¹ A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Testamente Leyimpsha Xichangana

¹¹ Aangasiyimba, ayimbisiwile ndzhaku. Kutani anyikiwile kuyimba wuli mfungu wotiyisa kululama loku akukumeke hi kupfumela, loko angasiyimba. Asvili lesvaku Abrahamu atava tatana moyeni wa hinkwavu lavapfumelaka, kutani vahlayiwa lavalulameke hambi loko vangayimbanga.

Varhoma 4:11 Referans Kwoze

Varhoma 3:22

ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;

Luka 19:9

Kutani Yesu a ku eka yena: “Namuntlha ku hanya ku nghenile endlwini leyi, hikuva na yena loyi, i n'wana Abrahama;

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vaefesa 1:13

yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

Vagalatiya 6:16

Hinkwavo lava nga ta ya hi nawu wolowo, ku rhula ni ku tsetseleriwa a ku ve ka vona ni ka Israele wa Xikwembu.

Vagalatiya 5:5

Kambe hina hi langutela hi Moya ku tshemba ka ku lulama loku humaka eku pfumeleni.

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Vagalatiya 3:22

kambe Matsalwa ma pfarile hinkwaswo eku dyoheni, leswaku leswi tshembisiweke swi nyikiwa eka vapfumeri hi ku pfumela eka Yesu Kriste.

Vagalatiya 3:7

tsundzukani hakona leswaku lava nga va ku pfumela, hi vona vana va Abrahama.

Varhoma 10:11

Hikuva Tsalwa ri te: “Mani na mani la pfumelaka eka yena, a nga ka a nga khomiwi hi tingana.”

Varhoma 10:6

Kambe ku lulama loku humaka eku pfumeleni, ku vula leswaku: U nga tshuki u ku embilwini ya wena: “I mani la nga ta tlhandlukela etilweni?” Ku vula sweswo, i ku xikisa Kriste;

Varhoma 10:4

Hikuva ku hela ka nawu i Kriste la nyikaka ku lulama eka mani na mani la pfumelaka eka yena.

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Nhlavutelo 9:4

Kutani ti lerisiwa leswaku ti nga tshuki ti onha byanyi bya misava, hambi swi ri hinkwaswo swa rilambyana, ni mirhi hinkwayo, kambe ti xanisa vanhu ntsena lava nga riki na mfungho wa Xikwembu emimombyeni ya vona.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Varhoma 9:30

Xana hi ta ku yini-ke? Hi ta ku: “Vamatiko lava ngi va nga lavi ku lulama, va ku kumile, ku nga ku lulama loku humaka eku pfumeleni;

Varhoma 9:6

Hambiswiritano, a hileswaku rito ra Xikwembu ri wile; hikuva a hi hinkwavo lava humeke eka Israele lava nga Vaisraele;

Varhoma 3:26

a swi ri leswaku xi kombisa ku lulama ka xona emikarhini ya sweswi, leswaku xi va lexi lulameke loko xi ri karhi xi khanisa la nga ni ku pfumela eka Yesu.

Yohane 8:33

Va n'wi hlamula, va ku: “Hi rixaka ra Abrahama, a hi si fuyiwa hi munhu ni siku ni rin'we; u vurisa ku yini, loko u ku: ‘Mi ta tshunxiwa’?”

Yohane 6:47

“Ndzi vurisile ndzi ri eka n'wina: La pfumelaka eka mina, u ni vutomi lebyi nga heriki.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Matewu 8:11

Hikwalaho-ke ndza mi byela, ndzi ri: Lavo tala va ta huma evuxeni ni le vupeladyambu, va ta tshama eswakudyeni eku fumeni ka matilo, na Abrahama, na Isaka, na Yakobo.

Ezekiele 20:20

kambe mi kwetsimisa Tisavata ta mina, swi va xikombiso exikarhi ka mina na n'wina, xa leswaku mi tiva leswaku hi mina Yehovha, Xikwembu xa n'wina.

Ezekiele 20:12

Ndzi va nyika ni Tisavata ta mina leswaku xi va xikombiso exikarhi ka mina na vona, xa leswaku va swi tiva leswaku hi mina Yehovha lava kwetsimisaka.

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Eksoda 31:17

I xikombiso lexi nga heriki xikarhi ka mina ni vana va Israele, hikuva hi masiku ya ntlhanu na rin'we, Yehovha u endlile matilo ni misava, kutani hi siku ra ntlhanu na mambirhi u tshike ntirho, a wisa.’ ”

Eksoda 31:13

“Byela vana va Israele, u ku: ‘Mi ta hlayisa Tisavata ta mina; hikuva i xikombiso xa n'wina na mina etinxakeni ta n'wina, mi ta ti va leswaku hi mina Yehovha la mi hlawulaka.

Eksoda 12:13

Ngati yi ta va mfungho wa n'wina, etindlwini leti mi nga eka tona; ndzi ta vona ngati, kutani ndzi ta hundza; khombo ri nga ka ri nga vi eka n'wina ku mi dlaya, loko ndzi ba tiko ra Egipta.

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

Genesa 17:24

Abrahama a a ri ni malembe ya 99, siku a yimbisiwaka enyameni ya yena;

Pisalema 47:9

Tihosana ta matiko ti hlengeletana Ni tiko ra Xikwembu xa Abrahama, Hikuva switlhangu swa misava i swa Xikwembu: Xi tlakukile ngopfungopfu.

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Varhoma 3:30

hikuva Xikwembu i xin'we ntsena, lexi nga ta khanisa lava ku yimba hi ku pfumela ni makhuna hi ku pfumela.

Varhoma 4:10

Xana u hlayeriwe a lo yini? Xana hi loko a yimbile, kumbe loko a nga si yimba? A hi loko a yimbile, kambe loko a nga si yimba.