Varhoma 3:4 - Xitsonga (Bibele)

⁴ Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

BIBELE Mahungu Lamanene

⁴ Niswitsanana! Xikwembu xi fanele ku tiviwa xi ri xa ntiyiso, ni loko munhu un'wana ni un'wana a ri muhembi. Hi swona leswi nga tsariwa, loko va te: “Hi laha u nga ta va la lulameke, loko u vulavula, ni ku kumiwa u nga ri na nandzu, loko u avanyisa.”

Testamente Leyimpsha Xichangana

⁴ Nikutsongo! Xikwembu xifanele kutiviwa xili xa ntiyiso, ni loko munhu mun'wana ni mun'wana ali muhembi. Hi svona lesvingatsaliwa, loko vaku: “Hilaha ungatava lweyi alulameke, loko uvulavula, ni kukumiwa na ungali na nandzu, loko uthethisiwa.”

Varhoma 3:4 Referans Kwoze

Pisalema 51:4

Ndzi dyohele wena, wena ntsena; Ndzi endlile leswo biha emahlweni ka wena, Hi laha u nga ta va la lulameke loko u vulavula, Ni loyi a tengeke loko u avanyisa.

Pisalema 116:11

Emahikeni ya mina, ndzi te: “Munhu un'wana ni un'wana u ni vunwa.”

Vagalatiya 2:17

Loko hi ri karhi hi lava ku hlayiwa lava lulameke ha Kriste, kasi hi kumiwa leswaku ha ha ri vadyohi, xana hileswaku Kriste u tirhele ku dyoha xana? Niswitsanana!

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Ntirho 36:3

Ndzi ta landza ku tiva ka mina ekule, Ndzi ta veka La lulameke emuvumbi wa mina.

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Pisalema 119:160

Masungulo ya rito ra wena manene; Ku avanyisa hinkwako ka ku lulama ka wena a ku heri.

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Varhoma 9:14

Kutani hi ta ku yini? Xana ku homboloka ku kona eka Xikwembu xana? Niswitsanana!

Pisalema 138:2

Ndzi ta ku khinsamela endlwini ya wena leyo kwetsima, Ndzi twarisa vito ra wena, hikwalaho ka tintswalo ni ku tshembeka ka wena, Hikuva u engetile ntwalo wa wena hi ku heta leti u nga swi hlaya.

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Pisalema 100:5

Hikuva u ni tintswalo, vunene bya yena i bya masiku, Ni ku tshembeka ka yena etinxakeni ta tinxaka.

1 Yohane 5:10

La pfumelaka eka N'wana wa Xikwembu, u ni vumbhoni eka yena; la nga pfumeriki Xikwembu, u xi endla wa mavunwa; hikuva a nga pfumeri vumbhoni lebyi Xikwembu xi yimeleke N'wana wa xona ha byona.

Vagalatiya 2:21

A ndzi cukumeti tintswalo ta Xikwembu, hikuva loko ku lulama ku huma eka nawu, kunene Kriste u fele mahala.

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Varhoma 3:31

Xana kutani hi herisa nawu hi ku pfumela xana? A swi tano! Kambe hi tiyisa nawu.

Matewu 11:19

N'wana wa munhu u tile a dya, a nwa, kutani va ku: ‘Vonani mudyi ni munwi, nakulobye wa valuvisi ni vadyohi.’ Kambe vutlhari byi kombisile ku lulama ka byona hi mitirho ya byona.”

Ntirho 40:8

Xana kunene u nga handzula ku lulama ka mina? Xana u ta ndzi kaneta ku tibasisa-ke?

Vagalatiya 6:14

Kambe loko ndzi ri mina, ku tidzunisa a ku ve kule na mina, loko ku nga ri hi xihambano xa Hosi ya hina, Yesu Kriste, loyi misava yi vamberiweke mina ha yena, na mina ndzi vambiwile eka yona.

Varhoma 11:1

Kambe ndzi ri: Xana Xikwembu xi cukumetile tiko ra xona xana? E-e! Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Pisalema 62:9

Vana va vanhu i swahava ntsena; Vana va vakulukumba i mavunwa ntsena; Loko ngi va vekiwa exikalweni, a va ta vevuka ntsena; Hinkwavo i swahava ntsena.

2 Vakorinto 1:18

Kambe Xikwembu xi tiva leswaku marito ya hina eka n'wina a ma hundzukanga, leswaku ma ve ina ni e-e;

Varhoma 11:11

Kambe ndzi ri: “Xana va khunguvanyekele makumu xana?” Niswitsanana! Kambe hi ku wa ka vona, ku hlayiseka ku fikele vamatiko, leswaku va ta va pfuxa hi mona.

Varhoma 7:7

Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

Varhoma 6:2

Swi nga tshuki swi va tano! Leswi hina hi feke hitlhelo ra vudyoho, hi ta engeta hi hanya eka byona hi mukhuva wihi xana?

Luka 20:16

U ta ta, a dlaya varimi valavo, a va a nyika van'wana nsimu va vhinya.” Loko Vayuda va twa sweswo, va ku: “Swi nga tshuki swi va tano.”

Varhoma 7:13

Xana lexo saseka xi ndzi hundzukele rifu xana? A swi tano! Kambe hi byona vudyoho lebyi ndzi dleleke hi leswo saseka, swi ta vonaka leswaku i vudyoho, byi va byi humesa ku biha ka byona hi ku tlurisisa, hikwalaho ka ku lerisa.

1 Vakorinto 6:15

Xana a mi swi tivi leswaku miri wa n'wina i swirho swa Kriste xana? Xana ndzi nga susa swirho swa Kriste ku swi endla swirho swa muoswi xana?

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.