Varhoma 3:21 - Xitsonga (Bibele)

²¹ Kambe sweswi, handle ka nawu, ku lulama ka Xikwembu ku kombisiwa ku nga loku tiyisiwaka hi nawu ni vaprofeta;

BIBELE Mahungu Lamanene

²¹ Kambe sweswi ndlela leyi Xikwembu xi endlaka ha yona leswaku vanhu va va lava lulameke, yi pfuleteriwile, yi nga ri yo tshemba swa Nawu; vumbhoni bya yona byi kona ematsalweni ya Nawu ni Vaprofeta:

Testamente Leyimpsha Xichangana

²¹ Kambe svosvi ndlela leyi Xikwembu xiyendlaka ha yona lesvaku vanhu vava lavalulameke, yipfuleteliwile, na yingali yotshemba sva Nawu; vumboni bza wona bzi kona matsalweni ya Nawu ni Vaprofeta:

Varhoma 3:21 Referans Kwoze

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Yeremiya 33:16

Hi masiku walawo, Yuda u ta pona, na Yerusalema, a tiakela hi ku tsaka, kutani hi rona vito leri va nga ta n'wi vula ha rona: ‘Yehovha ku lulama ka hina!’

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 51:8

hikuva nsumba yi ta va dya tanihi nguvu, hele ri ta va luma tanihi voya; kambe ku lulama ka mina ku ta sala hi masiku, ni ku hlayiseka ka mina hilaha ku nga heriki!”

Vagalatiya 3:8

Kutani Tsalwa, hi ku vona eku sunguleni leswaku Xikwembu xi ta hlaya ku lulama eka vamatiko hi ku pfumela, ri byerile Abrahama khale mahungu lamanene, ri te: “Matiko hinkwawo ma ta katekisiwa ha wena,”

Varhoma 5:19

Hikuva kukotisa leswi lavo tala va endliweke vadyohi hi ku ka munhu un'we a nga yingisanga, hi mukhuva wolowo, lavo tala va ta vekiwa lava lulameke hi ku yingisa ka un'we.

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Varhoma 1:2

leyi Xikwembu a xi yi tshembisile vanhu khale, hi vaprofeta va xona, ematsalweni layo kwetsima,

Timhaka 15:11

Kasi hi pfumela leswaku hi ta hanyisiwa hi tintswalo ta Hosi Yesu kukotisa vona.”

Esaya 46:13

Ndzi tshinetile ku lulama ka mina, ku le kusuhi, kutani ku hlayiseka ka mina ku nga ka ku nga hlweri; ndzi ta veka ku hlayiseka le Siyoni, ni ku twala ka mina ehenhla ka Israele.”

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

1 Petro 1:10

Ku hlayiseka loku ku lavisisiwile ni ku kambisisiwa hi vaprofeta lava profeteke tintswalo leti mi humeleleke;

Vagalatiya 5:5

Kambe hina hi langutela hi Moya ku tshemba ka ku lulama loku humaka eku pfumeleni.

Varhoma 16:26

kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Timhaka 26:22

Kambe, hikuva ndzi vonile ku pfuniwa hi Xikwembu, ndzi tiyisile ku fikela siku ra namuntlha ku vula vumbhoni eka lavatsongo ni lavakulu; kutani a ndzi vulanga timhaka tin'wana, loko ti nga ri leti Muxe ni vaprofeta va nga te ti ta humelela;

Yohane 1:45

Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Genesa 15:6

Abrama a pfumela eka Yehovha, Yehovha a n'wi hlayela kona ku lulama.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Varhoma 9:30

Xana hi ta ku yini-ke? Hi ta ku: “Vamatiko lava ngi va nga lavi ku lulama, va ku kumile, ku nga ku lulama loku humaka eku pfumeleni;

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Varhoma 3:28

Hikwalaho hi heta mhaka hi ku vula leswaku munhu u hlayiwa la lulameke hi ku pfumela, ku nga ri hi mitirho ya nawu.

2 Vakorinto 3:9

Hikuva leswi mitirho ya ku avanyisiwa a yi ri ni ku kwetsima lokukulu, mitirho ya leswo lulama yi ta tlurisa hi ku kwetsima loku hlamarisaka.