Varhoma 3:19 - Xitsonga (Bibele)

¹⁹ Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

BIBELE Mahungu Lamanene

¹⁹ Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Testamente Leyimpsha Xichangana

¹⁹ Hasvitiva lesvaku hinkwasvu lesvi Nawu wuhlayaka svona svikongoma lava vativaka Nawu, lesvaku vanhu hinkwavu vapfaliwa milomo, ni lesvaku misava hinkwayu yiyisiwa kuthethisiweni mahlweni ka Xikwembu.

Varhoma 3:19 Referans Kwoze

Vagalatiya 3:10

Hikuva hinkwavo lava namarhelaka mitirho ya nawu, va le ku rhukaniweni, hikuva ku tsariwe va ku: “Ku rhukaniwa mani na mani la nga tiyiseriki eka hinkwaswo leswi tsariweke ebukwini ya nawu ku swi endla.”

Varhoma 3:9

Hi ta ku yini-ke? Xana hi tlula van'wana hi ku lulama xana? E-e, niswitsongo! Hikuva hi kombisiwile eku sunguleni leswaku hinkwavo, hambi va ri Vayuda, hambi va ri Vagriki, va fumiwa hi ku dyoha,

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Vagalatiya 5:18

Loko kunene mi famba hi Moya, a mi le ku fumeni ka nawu.

1 Vakorinto 1:29

leswaku ku nga tshuki ku va ni nyama ni yin'we leyi tidzunisaka emahlweni ka xona.

Varhoma 3:23

a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Pisalema 107:42

Lava lulameke va swi vona va tsaka, Kambe lavo homboloka hinkwavo va pfala milomu.

Vagalatiya 4:21

Ndzi byeleni, n'wina lava rhandzaka ku va ehansi ka nawu, xana a mi yingisi nawu xana?

Vagalatiya 4:5

leswaku a kutsula lava nga ehansi ka nawu, ni leswaku hi kuma ku amukeriwa.

Varhoma 1:20

Hikuva leswi nga voniwiki swa Xikwembu, ma nga matimba ya xona lama nga heriki, ni vukwembu bya xona, swi vonake ngopfu, ka ha ri mpfhuka misava yi tumbuluka, loko ku tsundzukiwa mitirho ya xona, ku va leswaku va pfumala ku tilandzula.

Yohane 8:9

Kuteloko va twile ku hlamula ka yena, va tshinyiwa hi mapfalo, kutani va tisukela va longolokile, ku sungula hi lavakulu, ku hetelela hi lave ndzhaku; Yesu a sala a ri swakwe; wansati yena a yime xikarhi.

Ntirho 5:16

Ku tshemba ku ta tlhelela eka loyi a tsaneke, Kasi ku homboloka ku siviwa milomu.

1 SAMIELE 2:9

“Wa hlayisa mikondzo ya lava n'wi rhandzaka, Kambe lavo biha va miyela emunyameni; Hikuva munhu a nga ka a nga kurisiwi hi matimba.

Varhoma 3:4

Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

Varhoma 3:2

Kumbe ku yimba ku pfuna yini? Ka pfuna ngopfu hi matlhelo hinkwawo, ngopfungopfu hi leswi marito ya Xikwembu ma vekiweke eka vona.

Yohane 15:25

Kambe swi ri leswaku rito leri nga tsariwa enawini wa vona ri endleka, leri nge: ‘Va ndzi vengile ntsena.’

Pisalema 63:11

Kambe hosi yi ta titsakela eka Xikwembu; Un'wana ni un'wana la hlambanyaka ha xona u ta tidzunisa, Hikuva nomu wa lava hembaka wu ta siviwa.