Varhoma 3:13 - Xitsonga (Bibele)

¹³ “Milomu ya vona i masirha lama ahlameke va xisa hi tindzimi ta vona. Vuxungu bya ti mhiri byi le hansi ka milomu ya vona.”

BIBELE Mahungu Lamanene

¹³ Minkolo ya vona i masirha lama ahlameke, hi tindzimi ta vona va tolovele ku xisa, vuxungu bya timhiri byi le milon'wini ya vona,

Testamente Leyimpsha Xichangana

¹³ Minkolo ya vona i masirha lawa mapfuliweke, hi tindzimi ta vona vatolovele kukanganyisa, mahlungu ya tinyoka ma le milon'weni ya vona,

Varhoma 3:13 Referans Kwoze

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

Pisalema 140:3

Va karihisa tindzimi ta vona ku fana ni ta tinyoka, Vuxungu bya timhiri byi le hansi ka milomu ya vona.

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Ezekiele 13:7

A hi milorho ya swahava leyi mi yi lorhaka xana, a hi vuprofeta byo hemba lebyi mi byi profetaka xana, loko mi ku: ‘Ku vurile Yehovha?’ Kasi mina a ndzi vulanga nchumu.”

Esaya 59:3

Hikuva mavoko ya n'wina ma nyamisiwile hi ngati, ni tintiho ta n'wina hi vudyoho; milomu ya n'wina yi vula mavunwa, tindzimi ta n'wina ti vulavula swa lunya.

Pisalema 52:2

Ririmi ra wena ri luka ku onha ntsena, I rikari leri lotiweke leri vulaka mavunwa ntsena.

Varhoma 3:4

Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

Yeremiya 5:16

Nkotloto wa rona wu kotisa sirha leri ahlameke; hinkwavo i tinhenha.

Pisalema 36:3

Marito ya nomu wa yena i ku homboloka ni ku xisa; U tshikile vutlhari ni ku endla leswinene.

Duteronoma 32:33

Vhinyo ya vona i vuxungu bya dragona, Ni vuxungu lebyo leva bya mhiri.

Varhoma 3:12

Hinkwavo va hambukile, hinkwavo swin'we va hundzukele eka swahava; a ku na la endlaka leswo lulama, hambi a ri un'we.”