Varhoma 3:11 - Xitsonga (Bibele)

¹¹ A ku na la nga ni ku twisisa, a ku na la lavaka Xikwembu.

BIBELE Mahungu Lamanene

¹¹ “A ku na munhu ni un'we la lulameke, a ku na la twisisaka, a ku na loyi a lavaka Xikwembu.

Testamente Leyimpsha Xichangana

¹¹ “Aku na munhu ni mun'we lweyi alulameke, aku na lweyi atwisisaka, aku na lweyi alavaka Xikwembu.

Varhoma 3:11 Referans Kwoze

Pisalema 53:2

Yehovha u langutisa vana va vanhu a ri ematilweni, Ku vona loko ingi a ri kona la nga ni ku twisisa, La lavaka Xikwembu.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Yeremiya 4:22

“Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”

Esaya 65:1

“Ndzi laviwa hi lava ngi va nga ndzi vitani, ndzi pfumela ku kumiwa hi lava ngi va nga ndzi lavi; a ndzi ku: ‘Hi mina loyi, hi mina loyi!’ Eka tiko leri nga riki na vito ra mina.

Esaya 55:6

“Lavani Yehovha loko a ha kumeka; huwelelani eka yena, loko a ha ri ekusuhi!

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Varhoma 1:22

Va ri va tlharihile, kasi va hundzuke va rihuhu;

Matewu 13:19

“Un'wana ni un'wana loko a yingisa rito ra ku fuma, a nga ri twisisi, lowo biha a ta eka yena, a n'wi tekela leswi byariweke embilwini ya yena; hi la byariweke ekusuhi ni ndlela.

Hosiya 7:10

Ku tikukumuxa ka Israele i vumbhoni bya xidyoho xa yena emahlweni ka yena kambe, hambiswiritano, a va tlhelelanga eka Yehovha, Xikwembu xa vona; ni ku n'wi lava, a va n'wi lavanga.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Esaya 9:13

Kambe tiko a ri tlhelelanga eka loyi a ri baka, a ri lavi Yehovha wa tinyimpi.

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Pisalema 94:8

Tivoneleni n'wina vavanuna va mitlunya! Na n'wina swihunguki, mi ta tlhariha rini?

Pisalema 53:4

Xana a va na ku twisisa, lava endlaka leswo biha? Lava dyaka tiko ranga kukotisa loko ingi byi ri vuswa, Lava nga khongeliki Xikwembu.

Varhoma 3:10

kukota leswi tsariweke leswaku: “A ku na la lulameke, hambi a ri un'we.

Varhoma 3:12

Hinkwavo va hambukile, hinkwavo swin'we va hundzukele eka swahava; a ku na la endlaka leswo lulama, hambi a ri un'we.”