Varhoma 2:9 - Xitsonga (Bibele)

⁹ Khombo ni nhlomulo swi ta va ehenhla ka munhu un'wana ni un'wana la endlaka leswo biha ehenhla ka Muyuda eku sunguleni ku yisa ni le ka Mugriki;

BIBELE Mahungu Lamanene

⁹ Maxangu ni nhlomulo swi ta wela vanhu hinkwavo lava endlaka leswo biha, ku sungula hi Vayuda, ku yisa eka vamatiko;

Testamente Leyimpsha Xichangana

⁹ Kuxaniseka ni vusiwana svitawela vanhu hinkwavu lavayendlaka lesvobiha, kusungula hi Vayuda, kuyafika ni ka vamatiko;

Varhoma 2:9 Referans Kwoze

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Ezekiele 18:4

Vonani, mimoya hinkwayo i ya mina; hambi wu ri moya wa n'wana ni moya wa tatana. Moya lowu dyohaka, hi wona lowu nga ta fa!

2 Vatesalonika 1:6

Hikuva swi lulamile loko Xikwembu xi tlherisela lava mi xanisaka ku xaniseka, kasi n'wina mi xanisiwaka mi ta nyikiwa ku wisa na hina,

Varhoma 9:24

hikwalaho xi hi vitaneke, ku nga ri exikarhi ka Vayuda ntsena, kambe ni le xikarhi ka vamatiko.

Varhoma 2:10

kambe ku kwetsima, ni ku twala, ni ku rhula, swi ta va eka munhu un'wana ni un'wana la endlaka leswo saseka, eka Muyuda eku sunguleni, ku yisa ni le ka Mugriki;

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Varhoma 10:12

Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona.

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Timhaka 28:17

Endzhaku ka masiku manharhu, Pawulo a rhamba lava nga vakulukumba exikarhi ka Vayuda, kuteloko va hlengeletene, a ku eka vona: “Vavanuna varikwerhu, hambi ndzi nga endlanga nchumu ku dyohela tiko, hambi yi ri mikhuva ya vatatana, hambiswiritano, ndzi bohiwile eYerusalema, ndzi nyeketiwa emavokweni ya Varhoma.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Matewu 16:26

Hikuva hambi munhu a nga fuwa misava hinkwayo, loko a lahlekeriwa hi moya wa yena, swi ta va swi n'wi pfune yini-ke? Kumbe munhu u ta humesa yini ku xava moya wa yena-ke?

Amosi 3:2

ndzi ri: “Ndzi tivile n'wina ntsena exikarhi ka tinxaka hinkwato ta misava, hikwalaho ndzi ta mi ba hikwalaho ka ku homboloka ka n'wina hinkwako.

2 TIKRONIKA 6:23

wena yingisa u ri ematilweni, u tirha, u avanyisa malandza ya wena; u kaneta la nga ni nandzu, u n'wi tlherisela enhlokweni ya yena hi mitirho ya yena, kambe u khanisa la lulameke, u n'wi tlherisela hi ku lulama ka yena!

Pisalema 32:10

Mahlomulo layo tala ma tela lowo biha, Kambe la tshembaka Yehovha u ta rhendzeriwa hi tintswalo.

Swivuriso 11:23

Ku navela ka lavo lulama i swinene ntsena; Ku tshemba ka lavo biha i ku kariha.

Ezekiele 22:31

Hikwalaho ndzi ta chela vukari bya mina ehenhla ka vona; ndzi va lovisa hi ndzilo wa vukari bya mina, ndzi veka nandzu wa tindlela ta vona etinhlokweni ta vona, ku vula Hosi Yehovha.”

Varhoma 8:35

I mani la nga hi hambanyisaka ni rirhandzu ra Kriste xana? Xana i ku karhateka, kumbe maxangu, kumbe ku xaniseka, kumbe ndlala, kumbe vusweti, kumbe mhangu, kumbe fumu?