Varhoma 2:5 - Xitsonga (Bibele)

⁵ Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

BIBELE Mahungu Lamanene

⁵ Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Testamente Leyimpsha Xichangana

⁵ Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Varhoma 2:5 Referans Kwoze

Varhoma 1:18

Hikuva vukari bya Xikwembu bya tikombisa hi le tilweni, ku ba xisandzu, ni ku homboloka hinkwako ka vanhu lava khotselaka ntiyiso eku hombolokeni;

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

Yuda 1:6

kambe, ni tintsumi leti nga hlayisangiki swa ku sungula ka tona, kambe ti sukele ekaya ka tona, yi ti hlayisile emunyameni, hi ku bohiwa loku nga heriki, ku langutela kona ku avanyisa ka siku lerikulu.

2 Petro 3:7

Kambe matilo ni misava ya sweswi, swi hlayiseriwa ndzilo hi rito rolero, swi londzovotiwa ku ya fika siku ra ku avanyisa, ni ra ku lova ka vanhu lava nga chaviki Xikwembu.

Vaheveru 3:15

ka ha vuriwa leswaku: “Namuntlha, loko mi twa rito ra yena, mi nga tshuki mi nonon'hwisa timbilu ta n'wina, kukotisa loko va n'wi pfukile.”

Duteronoma 32:34

“Xana timhaka leti a ti hlayisiwanga ka mina, A ti vekiwangi exumeni xa mina xana?

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

Vaheveru 4:7

xi tlhela xi veka rin'wana siku, xi ku: “Namuntlha” loko xi vulavule eka Davhida, ku hundzile nkarhi lowo leha, xi engeta xi ku kukotisa eku sunguleni: “Namuntlha loko mi twa rito ra yena mi nga tshuki mi nonon'hwisa timbilu ta n'wina.”

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.

Varhoma 9:22

Kambe loko Xikwembu xi rhandzile ku kombisa vukari bya xona ni ku twarisa matimba ya xona, xi honisile hi mbilu leyo leha ngopfu timbita ta vukari leti lunghiseriweke ku lahleka,

Pisalema 110:5

Hosi leyi nga evokweni ra wena ra xinene, Yi hete tihosi hi siku ra vukari bya yona.

2 TIKRONIKA 30:8

Sweswi mi nga nonon'hwisi tinhamu ta n'wina kukotisa vatata wa n'wina; khomani voko ra Yehovha, mi ta evukwetsimelweni bya yena lebyi a byi hlawuleke hi masiku, mi tirhela Yehovha Xikwembu xa n'wina, kutani ku hisa ka vukari bya yena ku ta mi sukela.

1 SAMIELE 6:6

Xana mi ta nonon'hwisela yini timbilu ta n'wina, kukotisa leswi Vaegipta na Faro va nonon'hwiseke timbilu ta vona xana? Xana a swi nga vi kukotisa loko xi va endleke hi matimba, kutani va va tshika va famba?

Nhlavutelo 6:17

hikuva siku lerikulu ra ku kariha ka xona ri humelele, kutani i mani loyi a nga ri tiyelaka?”

Yakobo 5:3

Nsuku wa n'wina ni silivhere swi dyiwe hi ku kurha, kutani ku kurha ka swona yi ta va mbhoni leyi nga ta mi avanyisa, ku ta dya tinyama ta n'wina kukota ndzilo. Mi tihlengeletele xuma eku heteleleni ka masiku.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Daniele 5:20

Kambe leswi mbilu ya yena yi kukumukeke, ni moya wa yena wu nga tikurisa hi ku tlurisa mpimo, u susiwile exiluvelweni xa yena xa vuhosi, a tekeriwa ni vukulukumba bya yena.

Ezekiele 3:7

Kambe yindlu ya Israele yi nga ka yi nga ku yingisi, hikuva a va rhandzi ku ndzi yingisa, yindlu hinkwayo ya Israele yi ni tinhamu leti tiarisaka.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Pisalema 95:8

Mi nga nonon'hwisi timbilu ta n'wina, kukotisa le Meriba, Tanihi emasikwini ya Masa le mananga,

Ntirho 21:30

Loko va ku: ‘Timbabva ta sirheleriwa hi siku ra ku onhaka, Hi siku ra vukari, ti vekiwa hitlhelo.’

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

Yoxuwa 11:20

Hikuva a swi huma ka Yehovha leswi va nonon'hwiseke timbilu ta vona ku lwa na Israele, leswaku a va yirisa va nga kumi tintswalo, kambe a va heta hilaha Yehovha a leriseke Muxe hakona.

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.

Eksoda 32:34

Suka sweswi, u fambisa tiko laha ndzi ku leriseke kona. Vona, ntsumi ya mina yi ta ku rhangela emahlweni, kambe siku leri ndzi nga ta avanyisa, ndzi ta va bela ku dyoha ka vona.”

Swivuriso 1:18

Kasi vona va halata ngati ya vona, Va tirhiya vutomi bya vona.

Swivuriso 28:14

Ku katekile munhu la nga ni ripfalo hi masiku! Kambe la tinonon'hwisaka mbilu u ta wela eku biheni.

Yeremiya 40:3

Kutani Yehovha u ku humesile, u endlile hilaha a nga vula hakona, hikuva mi dyohele Yehovha, a mi yingisanga rito ra yena, hikokwalaho mi humeleleke hi mhaka yoleyi.

Ezekiele 11:19

Ndzi ta va nyika mbilu yi ri yin'we, ndzi nghenisa endzeni ka vona moya lowuntshwa; ndzi ta susela emimirini ya vona timbilu ta maribye, ndzi va nyika timbilu ta nyama,

Hosiya 13:12

Ku boheleriwe ku dyoha ka Efrayimi, ni xivi xa yena xi hlayisiwile.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

2 Vatesalonika 1:5

hi kona ku kombisa ka ku avanyisa loku lulameke ka Xikwembu, ku va leswaku mi endliwa lava lulameleke ku fuma ka Xikwembu, xolexo mi twisiwaka ku vaviseka hikwalaho ka xona.

Nhlavutelo 2:21

Ndzi n'wi nyikile nkarhi wa ku hundzuka, kambe a nga swi rhandzi ku hundzuka evuoswini bya yena.