Varhoma 2:2 - Xitsonga (Bibele)

² Hikuva ha tiva leswaku ku avanyisa ka Xikwembu ku lulamile eka lava endlaka leswo tano.

BIBELE Mahungu Lamanene

² Ha swi tiva leswaku Xikwembu a xi hoxi loko xi avanyisa lava endlaka leswo tano.

Testamente Leyimpsha Xichangana

² Hasvitiva lesvaku Xikwembu axihoxi loko xithethisa lavayendlaka lesvotano.

Varhoma 2:2 Referans Kwoze

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Pisalema 145:17

Yehovha u lulamile etindleleni ta yena hinkwato, U ni tintswalo emitirhweni ya yena hinkwayo.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Nhlavutelo 19:2

hikuva ku avanyisa ka xona i ka ntiyiso, ku lulamile, hikuva xi avanyisile muoswi lonkulu loyi a nga borisa misava hi vuoswi bya yena, xi n'wi rihisele ngati ya malandza ya xona evokweni ra yena.”

Nhlavutelo 16:5

Kavaloko ndzi twa ntsumi ya mati yi ku: “U lulamile, wena la kwetsimaka loyi a nga kona, loyi a a ri kona, loko u avanyisise xisweswo.

Varhoma 9:14

Kutani hi ta ku yini? Xana ku homboloka ku kona eka Xikwembu xana? Niswitsanana!

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Ezekiele 18:29

“Kambe yindlu ya Israele yi ri: ‘Ndlela ya Yehovha a yi lulamanga.’ Yo! Yindlu ya Israele! A hi ndlela ya mina leyi nga lulamangiki, kambe hi leta n'wina.

Ezekiele 18:25

“N'wina mi ri: ‘Ndlela ya Yehovha a yi lulamanga.’ Yingisani sweswi, n'wina va yindlu ya Israele, xana i ndlela ya mina leyi nga lulamangiki, a hi tona tindlela ta n'wina leti nga lulamangiki xana?

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Esaya 45:19

A ndzi vulavulanga exihundleni, endhawini ya munyama ya misava, a ndzi byelanga vatukulu va Yakobo ndzi ku: ‘Mi ta ndzi lava mahala!’ Mina Yehovha, ndzi vula leswo lulama, ndzi vula leswi tiyeke.

Pisalema 9:4

Hikuva u yimele timhaka ta mina ni timfanelo ta mina; U tshamisile exiluvelweni xa wena, u ri muavanyisi la lulameke.

Ntirho 34:23

Hikuva Xikwembu a xi lavi nkarhi lowo leha ku tiva munhu; Xi ta n'wi humesa eku avanyisiweni emahlweni ka xona;

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Varhoma 2:1

Loko swi ri tano, wena munhu, hambi u ri mani na mani la avanyisaka van'wana, a ku na ku tilandzula; hikuva loko u ri karhi u avanyisa van'wana, wa tiavanyisa na wena, hikuva u endla leswi u avanyisaka van'wana ha swona.

Varhoma 2:3

Kutani wena munhu la avanyisaka lava endlaka leswo tano kasi wa swi endla na wena, xana u anakanya leswaku u ta pona eku avanyiseni ka Xikwembu xana?