Varhoma 2:19 - Xitsonga (Bibele)

¹⁹ wena u anakanyaka leswaku u mufambisi wa lavo fa mahlo, ni ku vonakala ka lava nga emunyameni,

BIBELE Mahungu Lamanene

¹⁹ wena u kholwaka leswaku u mufambisi wa lavo-fe-mahlo ni ku vonakala ka lava nga munyameni,

Testamente Leyimpsha Xichangana

¹⁹ wena ukholwaka lesvaku umufambisi wa lava vafeke mahlo ni kuvonakala ka lava vanga munyameni,

Varhoma 2:19 Referans Kwoze

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.

Yohane 9:34

Va n'wi hlamula, va ku: “Wena, u tswariwile eswivini wena hinkwako, kasi u hi dyondzisa-ke?” Kutani va n'wi hlongolela ehandle.

Matewu 15:14

Va tshikeni, i vo fa mahlo lava fambisaka vo fa mahlo. Lowo fa mahlo loko a fambisa lowo fa mahlokulobye va ta wela ekheleni havambirhi.”

Matewu 6:23

Kambe loko tihlo ra wena ri bihile, miri hinkwawo wa wena wu ta va emunyameni. Kutani-ke, loko ku vonakala loku nga eka wena wu ri munyama, munyama wona wu ta va lowo yini!

Matewu 5:14

“Mi ku vonakala ka misava; muti lowu nga ehenhla ka ntshava a wu tumberi.

Esaya 56:10

Varisi va vona, va file mahlo hinkwavo, a va na mano; hinkwavo i timbyana ta timbheveve, leti tsandzekaka ku vukula, lava nga ni mihahamu eku etleleni ka vona, lava rhandzaka ku khudzehela.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Esaya 5:21

Va ni khombo lava tiendlaka lavo tlhariha emahlweni ya vona lava titshembaka emiehleketweni ya vona!

Swivuriso 26:12

Xana u vone munhu la tivonaka vutlhari? Wa rihuhu u tshembeka ku tlula yeloyi.

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

1 Vakorinto 3:18

Munhu a nga tshuki a tikanganyisa. Loko un'wana exikarhi ka n'wina a tiringanisa leswaku u tlharihile emisaveni leyi, u fanele ku hundzuka xihunguki, leswaku a ta va lowa vutlhari.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Luka 1:79

leri nga huma ehenhla ku voninga lava nga tshama emunyameni ni le ndzhutini wa rifu, ni ku fambisa mikondzo ya hina endleleni ya ku tsaka.”

Marka 10:15

Ndzi tiyisile, ndzi ri eka n'wina: Un'wana ni un'wana la nga amukeriki ku fuma ka Xikwembu tanihi n'wana, a nga ka a nga ngheni kona.”

Matewu 4:16

Tiko leri ngi ri tshame emunyameni, ri vonile ku vonakala lokukulu; volavo ingi va tshamile etikweni ra rifu ni le ndzhutini wa rona, ku vonakala ku va humelele.”

Varhoma 2:18

u tivaka ku rhandza ka xona, u tivaka ni ku xiya leswi tlulaka hi vunene, hikuva u dyondzisiwile hi nawu;

Varhoma 2:20

ni mutsundzuxi wa lava nga tiviki nchumu, mudyondzisi wa lavo rivala, hikuva enawini u ni dyondzo ya xiviri ya vutivi ni ya ntiyiso.