Varhoma 2:16 - Xitsonga (Bibele)

¹⁶ swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

BIBELE Mahungu Lamanene

¹⁶ swi ta va tano hi siku leri Xikwembu xi nga ta avanyisa swihundla swa vanhu ha Yesu Kriste, hilaha Evhangeli leyi ndzi yi dyondzisaka yi vulaka hakona.

Testamente Leyimpsha Xichangana

¹⁶ svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

Varhoma 2:16 Referans Kwoze

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Timhaka 10:42

Kutani u hi lerisile ku dyondzisa tiko ni ku tiyisa leswaku hi yena la vekiweke hi Xikwembu a va muavanyisi wa lava hanyaka ni lava feke.

Luka 8:17

Hikuva a ku na xilo lexi nga exihundleni, lexi nga tiki tiviwa ni ku humelela erivaleni.

1 Petro 4:5

Va nga lava nga ta tihlamulela eka loyi a tilunghiseke ku ta avanyisa lava hanyaka ni lava feke.

Varhoma 3:6

Swi nga tshuki swi va tano! Hikuva ingi loko swi ri tano, Xikwembu a xi ta avanyisa misava hi mukhuva wihi?

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

2 Timotiya 4:1

Ndza ku khongotela emahlweni ka Xikwembu ni Hosi ya hina, Yesu Kriste, loyi a nga ta avanyisa lava hanyaka ni lava feke, enkarhini wa ku humelela ka ku fuma ka yena, ndzi ri:

2 Timotiya 2:8

Anakanya Yesu Kriste, wa rixaka ra Davhida, la pfukeke eku feni, hilaha Evhangeli ya mina yi vulaka hakona,

1 Timotiya 1:11

yi nga Evhangeli ya ku twala ka Xikwembu lexi katekeke, leyi ndzi yi lerisiweke.

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

Yohane 12:48

La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

2 Timotiya 4:8

leswi seleke hileswaku harhi ya ku lulama yi ndzi tshamele, leyi Hosi yi nga ta ndzi nyika siku lero, yena a nga muavanyisi lowo lulama; kambe a nga ka a nga nyiki mina ntsena, kambe hinkwavo lava nga ta va va rhandzile ku humelela eka yena.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Eklesiasta 11:9

Jaha, tsakela vuntshwa bya wena, mbilu ya wena yi ku tsakisa hi masiku ya vuntshwa bya wena, u famba hi ku rhandza ka mbilu ya wena, ni ku languta ka mahlo ya wena;

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 50:6

Kutani matilo ma ta vula ku lulama ka xona, Hikuva hi xona Xikwembu lexi avanyisaka.

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Vagalatiya 1:11

Kutani ndza mi tivisa vamakwerhu, leswaku Evhangeli leyi ndzi mi byeleke yona, a yi humi eka vanhu;

1 Vakorinto 15:1

Kambe vamakwerhu, ndza mi tsundzuxa Evhangeli leyi ndzi tshamaka ndzi mi byela yona, leyi mi yi amukeleke, leyi mi tiyiseleke eka yona,