Varhoma 2:13 - Xitsonga (Bibele)

¹³ Kunene a hi vatwi va nawu lava lulameke emahlweni ka Xikwembu, kambe i vaendli va nawu, hi vona lava nga ta khanisiwa.

BIBELE Mahungu Lamanene

¹³ Hikuva a hi vatwi va Nawu lava voniwaka va ri lava lulameke emahlweni ka Xikwembu, kambe lava fambaka hi ku lerisa ka wona, hi vona lava nga ta hlayiwa leswaku va lulamile.

Testamente Leyimpsha Xichangana

¹³ Hikuva ahi vatwi va Nawu lavavoniwaka na vali lavalulameke mahlweni ka Xikwembu, kambe lavafambaka hi kulandza wona, hivona lavangatahlayiwa lesvaku valulamile.

Varhoma 2:13 Referans Kwoze

1 Yohane 3:7

Vana, mi nga tshuki mi xisiwa hi munhu; la endlaka leswo lulama, u lulamile, kukota leswi na yena, a lulameke.

Varhoma 2:25

Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Vagalatiya 2:16

hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.

1 Yohane 2:29

Loko mi tiva leswaku u lulamile, tivani leswaku un'wana ni un'wana la endlaka leswi lulameke, u tswariwe hi yena.

Varhoma 10:5

Hikuva Muxe u ringanisile ku lulama loku humaka enawini, loko a te: “Munhu la endlaka swilo leswo, u ta hanya ha swona!”

Luka 8:21

Kambe a hlamula, a ku eka vona: “Manana, ni vamakwerhu hi lava yingisaka rito ra Xikwembu, va va va endla hakona.”

Varhoma 3:30

hikuva Xikwembu i xin'we ntsena, lexi nga ta khanisa lava ku yimba hi ku pfumela ni makhuna hi ku pfumela.

Timhaka 13:39

ni leswaku un'wana ni un'wana la pfumelaka eka yena, u khanisiwa eka swilo hinkwaswo leswi a nga hluleka ku khanisiwa hi nawu wa Muxe.

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Ezekiele 20:11

Ndzi va nyika milawu ya mina, ndzi va ndzi va tivisa ku avanyisa ka mina loku munhu a nga hanyaka hakona loko a ku endla.

Pisalema 143:2

U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.

Duteronoma 5:1

Kutani Muxe a vitana vana va Israele hinkwavo, a ku eka vona: “Yingisani, Vaisraele, milawu ni ku lerisa leswi ndzi swi vulaka namuntlha etindleveni ta n'wina; mi ta swi dyondza, mi va mi tivonela ku swi hlayisa.

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Vagalatiya 5:4

Mi hambene na Kriste, n'wina hinkwenu lava rhandzaka ku hlayiwa lava lulameke hi nawu; mi wile, a ma ha ri etintswalweni.

Varhoma 3:23

a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Varhoma 3:20

Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.

Duteronoma 6:3

“Oho Israele! U ta swi yingisa, u ta chivirikela ku swi endla leswaku u tsaka, kutani mi ta andza ngopfu etikweni leri kulukeke hi ntswamba ni vulombe, hilaha Yehovha, Xikwembu xa vatata wa wena, a ku byeleke hakona.

Yeremiya 11:6

Yehovha a ku eka mina: “Twarisa marito lawa hinkwawo emitini ya Yuda ni le mitsendzeleni ya Yerusalema, u ku: ‘Yingisani marito ya ntwanano lowo, mi endla ha wona.

Yohane 13:17

Loko mi tiva timhaka teto, mi katekile loko mi ti endla.

1 Vakorinto 4:4

Hikuva a ndzi tivoni nandzu wa nchumu; hambiswiritano, a ndzi vekiwanga la lulameke hakona, kambe la ndzi avanyisaka i Hosi.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.