Varhoma 16:21 - Xitsonga (Bibele)

²¹ Timotiya nakulorhi entirhweni, wa mi rungula; na Lukiyo, na Yaso, na Sosipatro, maxaka ya mina, va mi rungula.

BIBELE Mahungu Lamanene

²¹ Mutirhi-kulorhi Timotiya, wa mi rungula; na vona Vayuda va ka hina va Lukiyo na Yasoni na Sosipatro, va mi rungula.

Testamente Leyimpsha Xichangana

²¹ Mutirhikulorhi Timotewu, wamirungula; na vona Vayuda va ka hina va Lusiyo na Yazoni na Sozipatro, vamirungula.

Varhoma 16:21 Referans Kwoze

Timhaka 20:4

Kutani a heleketiwa ku ya fika eAsiya hi Sopatere, n'wana Piro wa Beriya, na Aristarko, na Sekundo, va nga Vatesalonika, na Gayo wa Derbe, na Timotiya, na Tixiko na Trofimo, lava nga va Asiya.

Timhaka 17:5

Kambe Vayuda va tala mavondzo, va teka vavanuna van'wana vo biha entsendzeleni, va endla ntshungu, va pfilunganya muti; kutani va rhendzela yindlu ya Yasoni, va lava Pawulo na Silasi ku va yisa emahlweni ka tiko.

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

Varhoma 16:11

Ndzi runguleleni Herodiyoni, xaka ranga. Ndzi runguleleni va yindlu ya Narkiso, lava nga le Hosini.

Varhoma 16:7

Ndzi runguleleni Androniko na Yuniya, maxaka ya mina, lava tshamaka va bohiwa na mina, kambe va twakele exikarhi ka vaapostola, na swona va ndzi rhangele eka Kriste.

Vaheveru 13:23

Ma swi tiva leswaku Timotiya, makwerhu, u tshunxiwile; loyi, kungakuloko a hatlisa ku ta, ndzi ta ta mi vona, ndzi ri na yena.

2 Timotiya 1:2

Eka Timotiya, n'wananga la rhandziwaka; tintswalo, ni ku tsetselela, ni ku rhula, a swi ve na wena, swi huma eka Xikwembu Tatana, ni ka Yesu Kriste, Hosi ya hina.

1 Timotiya 6:20

Oho, Timotiya! Hlayisa lexi u nga vekeriwa xona, u tshinela ekule ni marito ya swahava, ni ya ku sandza, ni vukaneti bya vutivi, lebyi vuriwaka vutivi hi ku hemba,

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

1 Timotiya 1:2

Tintswalo, ni ku tsetseleriwa, ni ku rhula, a swi ve na wena, swi huma eka Xikwembu Tatana, ni le ka Yesu Kriste Hosi ya hina.

2 Vatesalonika 1:1

Pawulo, na Silvano, na Timotiya, eka Kereke ya Vatesalonika leyi nga eka Xikwembu Tatana, ni le ka Hosi Yesu Kriste;

1 Vatesalonika 3:6

Kambe loko Timotiya a vuyile eka hina, a pfa hi le ka n'wina, u hi hlavutele timhaka leto nandziha ta ku pfumela ka n'wina, ni ta rirhandzu ra n'wina, a ku: Ma ha hi anakanya hi masiku, mi navela ku hi vona tanihi leswi na hina hi navelaka ku mi vona.

1 Vatesalonika 3:2

kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina;

1 Vatesalonika 1:1

Pawulo, na Silvano, na Timotiya; Eka kereke ya Vatesalonika leyi nga eka Xikwembu Tatana, ni le ka Hosi ya hina Yesu Kriste; Tintswalo ni ku rhula a swi ve na n'wina, swi huma eka Xikwembu, Tata wa hina, ni ka Hosi ya hina Yesu Kriste.

Vakolosa 1:1

Pawulo, muapostola wa Yesu Kriste hi ku rhandza ka Xikwembu, na Timotiya makwerhu;

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

2 Vakorinto 1:19

hikuva N'wana wa Xikwembu, Yesu Kriste la vuriweke exikarhi ka n'wina hi hina, na Silvano, na Timotiya, a nga endlanga leswi nga ina ni e-e; kambe a swi ri ina eka yena.

2 Vakorinto 1:1

Pawulo, muapostola wa Yesu Kriste, hi ku rhandza ka Xikwembu, na Timotiya makwerhu; Eka kereke ya Xikwembu, leyi nga eKorinto, ni vakwetsimi hinkwavo va le tikweni hinkwaro ra Akaya;

Timhaka 19:22

Kavaloko a rhumela eMakedoniya vambirhi va lava n'wi tirhelaka, a ri Timotiya na Erasto; loko a ri yena, a xwa masiku man'wana eAsiya.

Timhaka 18:5

Silasi na Timotiya, kuteloko va fikile va huma eMakedoniya, Pawulo a tinyiketa ku dyondzisa rito hi mbilu ya yena hinkwayo, a tiyisa eka Vayuda leswaku Yesu i Kriste.

Timhaka 17:14

Hikwalaho vamakwavo va hatlisa va humesa Pawulo a ya tlhelo ra lwandle; kambe Silasi na Timotiya va sala kona.

Varhoma 9:3

hikuva, loko ndzi ri mina, ndzi nga rhandza ku va anathema, ndzi hambanyisiwa na Kriste, hikwalaho ka vamakwerhu lava nga rixaka rin'we na mina hi nyama,