Varhoma 16:18 - Xitsonga (Bibele)

¹⁸ Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

BIBELE Mahungu Lamanene

¹⁸ hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Testamente Leyimpsha Xichangana

¹⁸ hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

Varhoma 16:18 Referans Kwoze

Vakolosa 2:4

Ndzi mi byela swona, leswaku munhu a nga tshuki a mi kanganyisa hi ku vulavula loku dyelelaka.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

1 Timotiya 6:5

ni ku hambana etimhakeni ta vuhava ta vanhu lava nga ni ku anakanya loku boleke va lahlekeriwe hi ntiyiso va ringanisa leswaku vukhongeri byi hlola ku fuwa.

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

Vafilipiya 2:21

hikuva hinkwavo va tilavela swa vona, swi nga ri swa Yesu Kriste.

Vagalatiya 1:10

Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Swivuriso 22:3

Munhu wa vutlhari u vona khombo, kutani a tumbela, Kambe varivali va ya emahlweni va biwa.

Vakolosa 3:24

hikuva ma swi tiva leswaku mi ta nyikiwa hi Hosi hakelo ya ndzhaka; tirhelani Kriste Hosi.

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

Varhoma 16:19

Kambe hinkwavo va tiva ku yingisa ka n'wina. Ndzi mi tsakela kwalaho; kambe ndzi rhandza leswaku mi valavo tlhariha eku sasekeni, ni lavo tenga eku biheni.

Yohane 12:26

Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Ezekiele 13:19

Ma ndzi sola emahlweni ka tiko ra mina, ku amukela swandla swa koro, ni swipandzwa swa vuswa; ma ndzi sola loko mi lovisa mimoya leyi nga taka yi nga fi, ni loko mi ponisa mimoya leyi nga taka yi nga hanyi, mi va mi hembela tiko ra mina leri yingisaka mavunwa.

Ezekiele 13:16

Ku nga ha vi na vaprofeta va Israele lava profetaka ehenhla ka Yerusalema, lava lorhaka milorho yo rhulisa timbilu, kasi ku rhula ku hava, ku vula Hosi Yehovha!

Yeremiya 23:17

Va tshama va vula eka lava ndzi sandzaka, va ku: Rito ra Yehovha ri ri: ‘Ku tsaka ku ta va kona eka n'wina,’ ni ka hinkwavo lava fambaka hi ku nonon'hwa ka timbilu ta vona, va ku: ‘Mi nga ka mi nga humeleli hi swo biha.’ ”

Swivuriso 14:15

Murivali u pfumelela marito hinkwawo, Kambe la nga ni ku anakanya u xiya laha a kandziyaka kona.

Swivuriso 8:5

N'wina, varivali, dyondzani mano; Na n'wina, vahunguki, mi lava ku twisisa.

Pisalema 119:130

Hlavutelo ya marito ya wena ya voninga, Yi nyika lavo rivala ku twisisa.

Pisalema 19:7

Nawu wa Yehovha wu hetisekile, wu wisisa moya; Vumbhoni bya Yehovha bya tshembeka, byi tlharihisa xihunguki.

2 TIKRONIKA 18:5

Kavaloko hosi ya Israele yi hlengeleta vaprofeta, va ri vavanuna va 400, a ku eka vona: “Xana hi ta huma nyimpi ku ya lwa na Ramoto wa Giliyadi, kumbe ndzi nga yi-ke?” Kutani va ku: “Tlhandluka, Xikwembu xi ta wu nyiketa emavokweni ya hosi.”

1 SAMIELE 2:29

Xana mi kandziyela yini hi milenge magandzelo ya mina ni mihlengo ya mina, leswi ndzi swi leriseke ku swi humesa endlwini ya mina-ke? U dzunisile vana va wena ku tlurisa mina, mi tinonisa hi swirhangana hinkwaswo swa Israele, tiko ra mina.

Nhlavutelo 1:1

Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste:

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

Malakiya 1:10

“I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

2 SAMIELE 15:6

Abixalomu a tshama a endlisa sweswo eka hinkwavo va Israele lava taka ehosini ku ta avanyisiwa; sweswo Abixalomu a a yiva timbilu ta vanhu va Israele.

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Daniele 11:34

Kutani loko va wile va ta vona ku pfuneka ku nga ri kungani, kutani lavo tala va ta namarhelana na vona hi ku kanganyisa.

Varhoma 14:18

Hikuva la tirhelaka Kriste eswilweni sweswo, u tsakisa Xikwembu, kambe u yimeriwa hi vanhu.