Varhoma 16:17 - Xitsonga (Bibele)

¹⁷ Kutani, vamakwerhu, ndza mi khongotela, ndzi ri: Mi tivonela eka lava pfuxaka ku avana, ni ku khunguvanyisa, va onha dyondzo leyi mi yi dyondzeke; hambanani na vona.

BIBELE Mahungu Lamanene

¹⁷ Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

Testamente Leyimpsha Xichangana

¹⁷ Namikhongelela vamakwerhu, nili: Mitivonela ka lavapfuxaka kuhambana, ni kukwatisana, lava vamihambukisaka tijondzweni leti mitikumeke; hambanani na vona;

Varhoma 16:17 Referans Kwoze

Yuda 1:19

Hi vona lava hambanaka na hina, lava nga ni vutomi bya nyama ntsena, va nga ri na Moya.

2 Vatesalonika 3:6

Ha mi khongotela, vamakwerhu, hi vito ra Yesu Kriste, Hosi ya hina, leswaku mi hambana ni makwenu wihi ni wihi la nga fambiki hi nawu ni ku dyondzisa loku a ku amukeleke eka hina.

2 Timotiya 3:5

va ni nghohe ya vukhongeri, kambe va arile matimba ya byona. Na vona, u va fularhela.

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

Tito 3:10

Hambana ni munhu la dyondzisaka leswi hambanisaka loko u n'wi pfuxile kan'we kumbe kambirhi,

Vagalatiya 2:4

ku ri hikwalaho ka vamakwerhu va mavunwa, lava nkhunkhuseleke exikarhi ka hina va nga tsundzukiwi, lava kaseleke exihundleni, va ta wonga ku tshunxeka loku hi nga na kona eka Yesu Kriste, va ta hi nghenisa evukhumbini;

1 Timotiya 1:3

Hilaha ndzi ku khongoteleke hakona loko ndzi ya eMakedoniya, ndzi ku, u sala eEfesa ku lerisa van'wana leswaku va nga tshuki va dyondzisa tidyondzo tin'wana,

Vafilipiya 3:17

Vamakwerhu, mi va vaetisi va mina, mi xiya lava fambaka hi mitila leyi mi yi vonaka eka hina.

Matewu 18:7

“Yi ni khombo misava hikwalaho ka ku khunguvanyisa; hikuva ku khunguvanyisa ku fanele ku va kona kambe u ni khombo munhu loyi ku khunguvanyeka ku humelelaka ha yena.

1 Vakorinto 3:3

Hikuva leswi mona ni ku hambana swa ha riki kona exikarhi ka n'wina, xana a mi va nyama-ke? Xana a mi yi hi mikhuva ya vanhu-ke?

Timhaka 15:24

“Leswi hi tweke leswaku van'wana lava humeke eka hina va mi tshukisile hi ku vulavula ka vona, va tsekatsekisa mimoya ya n'wina, va ku: Mi fanele ku yimba, ni ku hlayisa nawu, kasi hina a hi va lerisanga nchumu;

1 Yohane 2:19

Va humile exikarhi ka hina, kambe a va nga ri va ka hina, hikuva loko ngi va ri va ka hina, ingi va tshamile na hina; kambe ku humelerile sweswo leswaku swi ta vonaka leswaku hinkwavo a hi va ka hina.

Matewu 18:17

Kuteloko a nga va yingisi, byela nhlengeletano; loko a nga yingisi nhlengeletano, eka wena a a kotise muhedeni ni muluvisi.

1 Vakorinto 11:18

Hikuva eku sunguleni, loko mi hlengeletana ekerekeni, ndzi twa leswaku ku hambana ku kona eka n'wina; kambe, tlhelo rin'wana, ndzi pfumela leswaku swi tano;

Luka 17:1

Yesu a ku eka vadyondzisiwa va yena: “Loko ku ri ku khunguvanyeka, ku nga ka ku nga pfumaleki, kambe u ni khombo loyi ku khunguvanyeka ku humelelaka ha yena.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.