Varhoma 15:18 - Xitsonga (Bibele)

¹⁸ hikuva ndza hluleka ku vula xilo lexi Kriste a nga xi endlangiki ha mina, ku tisa vamatiko eku yingiseni, hi marito ni mitirho,

BIBELE Mahungu Lamanene

¹⁸ hikuva ndzi nga ka ndzi nga tiyi nhlana ku vula nchumu, ehandle ka leswi Kriste a nga swi endla ha mina, ku tisa vamatiko eku yingiseni, hi marito ni mintirho,

Testamente Leyimpsha Xichangana

¹⁸ hikuva ningakala ningatiyi nhlana wa kuvula nchumu, handle ka lesvi Kriste angasviyendla ha mina, kutisa vamatiko kuyingiseni, hi marito ni mintirho,

Varhoma 15:18 Referans Kwoze

Timhaka 15:12

Kavaloko ntshungu hinkwawo wu miyela; kutani va yingisa Barnaba na Pawulo loko va ri karhi va vula hilaha Xikwembu xi endleke swikombiso ha vona, ni masingita layo tala exikarhi ka matiko.

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

Timhaka 21:19

Kuteloko a va xewetile, a va byela hi ku tlhandlamana timhaka hinkwato leti Xikwembu xi ti endleke ematikweni hi ku tirha ka yena.

Vagalatiya 2:8

(hikuva loyi a nga tirha eka Petro ku n'wi endla muapostola wa lava yimbaka, u tirhe ni le ka mina, ku ndzi endla muapostola wa vamatiko),

Swivuriso 25:14

La tidzunisaka hi ku hanana ka mavunwa, U kotisa papa ni mheho leyi hungaka, mpfula ku ri hava.

2 Vatesalonika 2:17

a a ve yena la chavelelaka timbilu ta n'wina, a va a mi tiyisa emitirhweni hinkwayo leyo saseka, ni le dyondzweni hinkwayo leyo lulama.

Varhoma 16:26

kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Yuda 1:9

Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

1 Yohane 3:18

Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

Yakobo 1:22

Mi va vaendli va rito, mi nga vi vatwi ntsena, lava tixisaka eku ringaniseni ka vona.

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Vakolosa 3:17

Kutani leswi mi swi endlaka, hambi yi ri yini na yini, hi ku vulavula kumbe hi ku tirha, endlani hinkwaswo hi vito ra Hosi Yesu, mi ri karhi mi khensa ha yena eka Xikwembu Tatana.

2 Vakorinto 12:6

Kasi loko ndzi rhandza ku tidzunisa, ndzi nga ka ndzi nga endli hi vuhunguki, hikuva leswi ndzi swi vulaka hi leswi tiyeke; kambe leswo ndza swi tshika leswaku munhu a nga tshuki a ndzi veka vukulukumba lebyi tlurisaka leswi a ndzi voneke ndzi ri na swona, hambi swi ri leswi a ndzi yingiseke ndzi vulaka swona.

2 Vakorinto 11:31

Xikwembu lexi nga Tata wa Hosi ya hina, Yesu Kriste, xi nga xona lexi khensiwaka hilaha ku nga heriki, xa swi tiva leswaku a ndzi hembi.

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 15:4

Kuteloko va fikile eYerusalema, va amukeriwa hi kereke, ni vaapostola, ni vakulukumba; kutani va va byela hinkwaswo leswi Xikwembu xi swi endleke ha vona.

Timhaka 14:27

Kuteloko va fikile va hlengeleta kereke va vula hinkwaswo leswi Xikwembu xi swi endleke ha vona, ni hilaha xi nga pfulela matiko hakona nyangwa ya ku pfumela.

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

2 Vakorinto 3:5

swi nga ri leswaku hi tiva hi ri sweru ku ringanyeta mhaka leyi nga huma eka hina,

Matewu 25:16

Loyi ingi a nyikiwile titalenta ta ntlhanu, a ya bindzula ha tona, kutani a kuma tin'wana ta ntlhanu.