Varhoma 15:15 - Xitsonga (Bibele)

¹⁵ Kambe kunene ndzi tiyile matimba ku mi tsalela, ku pfuxa timhaka leti etimbilwini ta n'wina hi tintswalo leti ndzi ti nyikiweke hi Xikwembu,

BIBELE Mahungu Lamanene

¹⁵ Hambiswiritano, ndzi tinyikile matimba ku mi tsalela hi timhaka tin'wana, ku ta mi tsundzuxa ha tona; ndzi endlile sweswo hikwalaho ka tintswalo leti Xikwembu xi ndzi nyikeke tona,

Testamente Leyimpsha Xichangana

¹⁵ Hambi svilitano, nitinyikile matimba kumitsalela hi timhaka tin'wana, kutamitsundzuxa ha tona; niyendlile svosvo hikolaho ka timpsalu leti Xikwembu xininyikeke tona,

Varhoma 15:15 Referans Kwoze

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Varhoma 12:6

Kambe leswi hi nga ni tinyiko leti hambaneke, hilaha hi nyikiweke tintswalo hakona, a hi tirheni ha tona loko hi ri ni ku profeta, a hi profeteni hi mpimo wa ku pfumela;

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

1 Yohane 5:13

Ndzi mi tsalerile timhaka teto, n'wina lava pfumelaka eka vito ra N'wana wa Xikwembu, mi ta tiva leswaku mi ni vutomi lebyi nga heriki.

2 Petro 3:15

Kutani mi ringanisa leswaku Hosi ya hina, loko yi lehisa mbilu, i ku mi hlayisa, kukotisa loko Pawulo, makwerhu la rhandziwaka, a mi tsaleleke na yena, hi vutlhari lebyi a byi nyikiweke,

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

Vaheveru 13:22

Kambe ndza mi khongotela, vamakwerhu, leswaku mi amukela swinene marito lawa ya ku khongotela, hikuva ndzi mi tsalerile hi marito ma nga ri mangani.

Tito 3:1

U va tsundzuxa ku yingisa vuhosi ni tindhuna, ni ku ya hi nawu, ni ku tilunghisela mitirho hinkwayo leyo saseka;

2 Timotiya 2:14

Tsundzuxa vanhu timhaka leti, u va khongotela hi matimba emahlweni ka Hosi, va nga tshuki va lwa hi marito, hikuva a swi pfuni nchumu, loko ku nga ri ku hambukisa lava swi twaka.

2 Timotiya 1:6

Hikwalaho, ni sweswi, ndza ha ku tsundzuxa ku pfuxa, u kondletela ku nyika ka Xikwembu loku nga eka wena hi ku tlhandleka ka mavoko ya mina.

1 Timotiya 4:6

Loko u hlamusela timhaka leti, u ta va nandza lonene wa Yesu Kriste, ni la kurisiweke hi marito ya ku pfumela, ni dyondzo leyinene, leyi u yi landzeleleke swinene.

Vagalatiya 2:9

ndzi ri: Loko va vonisisile nyiko leyi ndzi yi nyikiweke, Yakobo na Kefasi na Yohane, lava ringanisiwaka leswaku i misinya, va nyike mina na Barnaba mavoko ya vunakulobye, leswaku hina hi ya eka vamatiko, kutani vona va ya eka lava yimbeke,

1 Vakorinto 3:10

Loko ndzi ri mina, hi tintswalo ta Xikwembu leti ndzi ti nyikiweke, ndzi akile masungulo kukota muaki lowo tlhariha, kutani un'wana u aka ehenhla ka wona.