Varhoma 13:12 - Xitsonga (Bibele)

¹² Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

BIBELE Mahungu Lamanene

¹² Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

Testamente Leyimpsha Xichangana

¹² Vusiku bzihundzile, vuxa bzitshinele. Hikolaho, ahicukumeteni mintirho ya munyama, kutani hitamela matlhari ya kuvonakala.

Varhoma 13:12 Referans Kwoze

Vaefesa 5:11

kambe mi nga tshuki mi va ni mhaka emitirhweni ya munyama leyo-ke mihandzu, kambe mi yi sandza:

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Vaefesa 4:22

hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

Varhoma 13:14

kambe mi tifunengeta ha Hosi Yesu Kriste, kutani mi nga tsetseleri nyama hi ku yi xurhisa eku naveleni ka yona.

Risimu ra Tinsimu 2:17

Ri kondza ri xa, ni mindzhuti yi ko yi muka, Vuya, murhandziwa wa mina, U fana ni mhala, kumbe mbavala leyitsongo, Etintshaveni leti hi hambanyisaka.

Nhlavutelo 22:10

Yi engeta yi ku eka mina: “U nga tshuki u lema hi mfungho timhaka ta vuprofeta bya buku leyi, hikuva nkarhi wu kusuhi.

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,

Esaya 2:20

Esikwini rero, vanhu va ta cukumeta swikwembu swa nsuku ni swa silivhere leswi va tiendleleke swona ku swi gandzela eka makondlo ni vamangadyani,

Nhlavutelo 1:3

Ku katekile la hlayaka ni lava yingisaka timhaka ta vuprofeta lebyi, lava hlayisaka leswi tsariweke kona, hikuva nkarhi wu kusuhi.

1 Vakorinto 7:29

Leswi ndzi swi vulaka, vamakwerhu, hileswaku sweswi, kutani, nkarhi wu komile; lava nga ni vasati, va va kukota loko ngi va nga ri na vona,

1 Vakorinto 10:11

Timhaka teto hinkwato ti va humelele leswaku xi va xitsundzuxo; kambe ti tsariwile leswaku hi dyondza ha tona, hina lava humeleleke emikarhini ya makumu.

2 Vakorinto 10:4

Hikuva matlhari ya hina a hi ya nyama, kambe ma ni matimba ha Xikwembu ku wisa makhokholo,

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

Vaheveru 10:25

Hi nga tshuki hi tshika nhlengeletano ya hina hi mukhuva wa van'wana, kambe hi khongotelana, ngopfu leswi mi vonaka siku ri tshinelaka.

Vaheveru 12:1

Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Yakobo 5:8

Na n'wina, lehisani timbilu ta n'wina, mi ti tiyisa, hikuva ku ta ka Hosi ku kusuhi.

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

2 Petro 3:11

Kutani leswi hinkwaswo swi nga ta hela, swa mi fanela ngopfungopfu ku hanya hi mukhuva wa ku tenga, ni ku chava Xikwembu;

1 Yohane 2:18

Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.