Varhoma 12:8 - Xitsonga (Bibele)

⁸ la hananaka, a a hanane hi mbilu leyo tenga; la lerisaka, a a lerise hi ku xiya; la endlaka mitirho ya tintswalo, a a endle hi ku tsaka.

BIBELE Mahungu Lamanene

⁸ loyi a nga ni nyiko ya ku khongotela, a a khongotele; loyi a hananaka, a a hanane hi mbilu leyo basa; loyi a fambisaka van'wana, a a va fambise hi ku chivirika; loyi a twelaka van'wana vusiwana, a a swi endle hi ku tsaka.

Testamente Leyimpsha Xichangana

⁸ lweyi anga ni nyiko ya kukhongotela, aakhongotele; lweyi anyikaka, aanyike hi mbilu leyobasa; lweyi afambisaka van'wana, aavafambise hi kutivonela; lweyi ayendlaka mintirho ya timpsalu, aayiyendle hi kutsaka.

Varhoma 12:8 Referans Kwoze

2 Vakorinto 9:7

Un'wana ni un'wana a a humese hilaha a ringaniseke hakona embilwini ya yena; ku nga ri hi ku vilela ni ku sindzisiwa, hikuva Xikwembu xi rhandza la humesaka a tsakile.

1 Timotiya 5:17

Vakulukumba lava risaka swinene a va faneriwe hi ku dzunisiwa kambirhi; ngopfu lava tirhaka hi matimba eritweni ni le ku dyondziseni.

1 Vakorinto 12:28

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

Vaheveru 13:17

Yingisani varisi va n'wina, mi tiveka ehansi ka vona; hikuva va hitekela mimoya ya n'wina, hikuva va ta vutisiwa hi yona; va yingiseni leswaku va swi endla hi ku tsaka, ku nga ri hi ku vilela; hikuva sweswo, swi nga ka swi nga mi humeseli vunene.

Timhaka 15:32

Kambe Yuda na Silasi, hikuva a va ri vaprofeta na vona, va khongotela vamakwavo hi marito layo tala, ni ku va tiyisa.

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Vaheveru 13:24

Rungulani varisi va n'wina hinkwavo, ni vakwetsimi hinkwavo. Vaitaliya va mi rungula.

Vaheveru 13:22

Kambe ndza mi khongotela, vamakwerhu, leswaku mi amukela swinene marito lawa ya ku khongotela, hikuva ndzi mi tsalerile hi marito ma nga ri mangani.

Vaheveru 13:7

Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

Vaheveru 10:25

Hi nga tshuki hi tshika nhlengeletano ya hina hi mukhuva wa van'wana, kambe hi khongotelana, ngopfu leswi mi vonaka siku ri tshinelaka.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

1 Vakorinto 14:3

Kambe loko a ri la profetaka, u byela vanhu leswi va akisaka, ni leswi va khongotelaka, ni leswi va chavelelaka.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Timhaka 20:2

Kuteloko a tsemakanyile matiko lawa, ni loko a khongoterile vamakwavo hi marito layo tala, a ya etikweni ra Grikiya, a tshama kona tin'hweti tinharhu.

1 Timotiya 4:13

U tinyiketa ku hlaya, ni ku khongotela, ni ku dyondzisa, ndzi ko ndzi ta.

1 Vatesalonika 2:8

hi mukhuva wolowo wa ku mi rhandza ngopfu, hi anakanyile leswaku hi nga ka hi nga mi nyiki Evhangeli ya Xikwembu ntsena, kambe hi nga mi nyika ni vutomi bya hina, hikuva mi ri varhandziwa va hina swinene.

1 Vatesalonika 2:3

Hikuva ku dyondzisa ka hina a ku nga ri ku hemba; hambi ku ri ka thyaka, hambi ma ri mano,

Vakolosa 3:22

Malandza, yingisani etimhakeni hinkwato lava nga veni va n'wina hi nyama; mi nga tshuki mi va tirhela loko va mi languta ntsena, swo nge mi rhandza ku tsakisa vanhu, kambe tirhani hi mbilu leyo saseka, ni ku chava Xikwembu.

Vaefesa 6:5

N'wina malandza, yingisani vini va n'wina enyameni hi xichavo, ni ku rhurhumela, timbilu ta n'wina ti basile, kukotisa loko mi yingisa Kriste,

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

2 Vakorinto 9:13

va ta dzunisa Xikwembu loko va vona nhlengo wolowo, hikuva, na n'wina, mi yingisa Evhangeli ya Kriste, yoleyo mi tivulaka ha yona leswaku mi va ni ku hanana ka xiviri eka vona ni ka hinkwavo,

2 Vakorinto 9:11

leswaku mi ta fuwa hinkwaswo, mi ta tiva ku nyika hi mukhuva lowunene, yi nga mhaka leyi nga ta yisa eku khenseni ka Xikwembu ha hina.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Varhoma 13:6

Hikwalaho mi humesaka ndzuvo; hikuva tihosi, i vatirhi va Xikwembu lava tiyiselaka entirhweni wa vona hi mikarhi.

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Esaya 64:5

U tile ku hlanganisa loyi a endlaka hi ku tsaka leswi lulameke, ni lava ku tsundzukaka, va ri karhi va famba emitileni ya wena. Waswivo, u karihile, hikuva hi ku dyoherile a swi ri tano ni khale, hi ta pona xana?

Esaya 32:8

Kambe munhu wa vunene u kanela ta ku lulama, u phikelela ta vunene.

Esaya 32:5

Mbabva a yi nga ha vuriwi nkulukumba, ni mudyeleri a nga ka a nga vuriwi munhu wa tintswalo.

Eklesiasta 11:6

Byala mbewu ya wena ka ha ri mixo; mavoko ya wena u nga tshuki u ma nyiketa nkarhi nimadyambu hikuva a ku tivi leswaku ku ta mila yihi, kumbe leyi, kumbe liya, kumbe loko ti ta mila ha timbirhi.

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Swivuriso 22:9

Munhu wa tintswalo u ta kateka, Hikuva u pfuna xisiwana hi swakudya swa yena.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Pisalema 37:21

Lowo biha wa lomba, kambe a nga tlherisi; La lulameke u twela vanhu vusiwana, wa hanana.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Duteronoma 15:14

U ta n'wi nyika xilo xin'wana xa swifuwo leswitsongo swa wena, ni swa xivuya xa wena, ni swa xikhuvuto xa wena, u n'wi nyika, u pambula eka leswi Yehovha, Xikwembu xa wena, a ku katekiseke ha swona;

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Timhaka 13:12

Ndhuna, kuteloko yi vona leswi humeleleke, yi pfumela, yi hlamarisiwile hi dyondzo ya Hosi.

Timhaka 4:36

Yena Yose, la nga thyiwa Barnaba hi vaapostola, hileswaku N'wana wa ku Chavelela, loyi ingi a ri Mulevhi la tswariweke eKipra,

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

1 Timotiya 6:18

va tirha leswo saseka, va fuwa mitirho leyinene va rhandza ku avela van'wana swa vona, va hanana;