Varhoma 12:6 - Xitsonga (Bibele)

⁶ Kambe leswi hi nga ni tinyiko leti hambaneke, hilaha hi nyikiweke tintswalo hakona, a hi tirheni ha tona loko hi ri ni ku profeta, a hi profeteni hi mpimo wa ku pfumela;

BIBELE Mahungu Lamanene

⁶ Hikokwalaho, leswi hi nga ni tinyiko leti hambaneke, hi ku ya hi leswi Xikwembu xi hi nyikeke swona, a hi ti tirhiseni; loko hi ri ni nyiko ya ku profeta, a hi yi tirhiseni hi mpimo wa ku pfumela ka hina;

Testamente Leyimpsha Xichangana

⁶ Hikolaho, lesvi hinga ni tinyiko letihambaneke, hi kuya hi lesvi Xikwembu xihinyikeke svona, hikokolaho loko hili ni nyiko ya kuprofeta, ahiyitirhiseni hi mpimo wa kupfumela ka hina;

Varhoma 12:6 Referans Kwoze

1 Vakorinto 7:7

hikuva ndzi nga rhandza leswaku vanhu hinkwavo va fana na mina; kambe munhu un'wana ni un'wana u ni ku nyikiwa ka yena loku ku n'wi lulameleke, loku ku humaka eka Xikwembu; un'wana hi mukhuva lowo karhi, un'wana hi mukhuva wun'wana.

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

Varhoma 1:11

hikuva ndzi navela ngopfu ku mi vona leswaku ndzi mi pfuna hi ku nyika kun'wana ka Moya, mi ta tiyisiwa hakona;

1 Vakorinto 13:2

Kutani hambi ndzi nga nyikiwa vuprofeta, ni loko ndzi tiva swihundla hinkwaswo ni vutlhari hinkwabyo; hambi ndzi ri ni ku pfumela hinkwako, ndzi ko ndzi tlakusa tintshava; kambe ndzi nga ri na rirhandzu, a ndzi nchumu.

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

1 Vakorinto 14:1

Phikelelani rirhandzu; chivirikelani na tona tinyiko ta Moya, ngopfungopfu ya ku profeta.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

1 Vatesalonika 5:20

Mi nga sandzi vuprofeta.

1 Vakorinto 14:29

A ku vulavule vaprofeta vambirhi kumbe vanharhu, kutani van'wana va avanyisa leswi va swi vuleke.

Timhaka 15:32

Kambe Yuda na Silasi, hikuva a va ri vaprofeta na vona, va khongotela vamakwavo hi marito layo tala, ni ku va tiyisa.

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Vafilipiya 3:15

Hikwalaho, hina lava hetisekeke, a hi anakanyeni sweswo; kutani loko mi ri ni ku anakanya kun'wana emhakeni yin'wana, Xikwembu xi ta mi pfuletela na yona.

Vaefesa 3:5

Xihundla xolexo a xi kombisiwanga vana va vanhu etinxakeni ti n'wanyana hilaha xi hlavuteriweke hakona emikarhini leyi, hi Moya, eka vaapostola va yena lavo kwetsima ni ka vaprofeta,

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

Luka 11:49

Hikwalaho, vutlhari bya Xikwembu byi vurile, byi ku: ‘Ndzi ta va rhumela vaprofeta ni vaapostola, va ta dlaya van'wana eka vona, va xanisa van'wana,’

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

1 Vakorinto 14:24

Kambe kungakuloko hinkwavo va profeta, kutani ku nga nghena munhu la nga pfumeriki, hambi a ri loyi a nga tiviki, a nga khorwisiwa hi hinkwavo, a avanyisiwa hi hinkwavo;

Timhaka 21:9

A a ri ni mune wa vana va vanhwana lava profetaka.

1 Vakorinto 3:5

Pawulo i mani xana? Na Apolosi, i mani xana? Malandza lawa mi pfumeleke ha wona, hilaha un'wana ni un'wana a nyikiweke hakona hi Hosi.

1 Vakorinto 12:18

Kutani sweswi Xikwembu xi veke xirho xin'wana ni xin'wana emirini, hilaha xi rhandzeke hakona.

2 Petro 1:20

Mi ri karhi mi rhanga hi ku tiva leswaku a ku na vuprofeta eMatsalweni, lebyi nga ni ku hlamuseriwa kun'we.

Matewu 25:22

Ku ta na yena loyi ingi a nyikiwile titalenta timbirhi, a ku: ‘Hosi, a wu ndzi nyikile titalenta timbirhi; vona ndzi bindzurile tin'wana timbirhi henhla ka tona.’