Varhoma 12:16 - Xitsonga (Bibele)

¹⁶ Mi namarhelana kun'we hi mbilu yin'we; mi nga tshuki mi navela leswi tlakukeke, kambe xaxamelani ni lava titsongahataka; mi nga tivoni lavo tlhariha.

BIBELE Mahungu Lamanene

¹⁶ Hanyisanani hi moya wun'we; mi nga tshuki mi navela leswi tlakukeke, kambe mi tolovelana ni lava titsongahataka; mi nga tivoni vutlhari.

Testamente Leyimpsha Xichangana

¹⁶ Hanyisanani hi moya wun'we; mingatshukeni minavela lesvitlakukeke, kambe mitolovelana ni lavatitsongahataka; mingativoneni na mili lava vatlhariheke.

Varhoma 12:16 Referans Kwoze

1 Petro 3:8

Sweswi, mi va ni ku anakanya ku ri kun'we, mi tsetselelana, mi rhandzana ni vanakuloni, mi va ni tintswalo ni musa.

Swivuriso 3:7

U nga tivoni vutlhari, Chava Yehovha, u papalata swo biha;

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Esaya 5:21

Va ni khombo lava tiendlaka lavo tlhariha emahlweni ya vona lava titshembaka emiehleketweni ya vona!

Varhoma 15:5

Xikwembu xa ku yingisela ni xa ku chavelela, a xi mi nyike ku ehleketa ku ri kun'we, exikarhi ka n'wina, ha Yesu Kriste;

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

1 Vakorinto 3:18

Munhu a nga tshuki a tikanganyisa. Loko un'wana exikarhi ka n'wina a tiringanisa leswaku u tlharihile emisaveni leyi, u fanele ku hundzuka xihunguki, leswaku a ta va lowa vutlhari.

2 Vakorinto 13:11

Eku heteleleni, vamakwerhu, ndzi ri: Titsakeleni, tilaveleni ku hetiseka, mi chavelelana; mi va ni ku anakanya kun'we; mi tshama hi ku rhula; kutani Xikwembu xa rirhandzu ni xa ku rhula xi ta va na n'wina.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Luka 14:13

Kambe loko u endla nkhuvo, vitana vapfumari, ni swilema, ni lava khwitaka, ni lavo fa mahlo;

Swivuriso 26:12

Xana u vone munhu la tivonaka vutlhari? Wa rihuhu u tshembeka ku tlula yeloyi.

1 Vakorinto 8:2

Loko munhu a ringanisa leswaku u tiva nchumu, a nga si wu tiva hilaha a faneleke ku tiva hakona.

1 Vakorinto 6:5

Ndzi vula sweswo ku mi khomisa tingana. Xana a ku na un'wana wo tlhariha exikarhi ka n'wina, hambi a ri un'we, la tivaka ku avanyisela munhu ni makwavo xana?

Yeremiya 45:5

Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”

Vafilipiya 4:2

Ndzi khongotela Efodiya na Sintika leswaku va va ni mianakanyo yin'we eHosini.

1 Vakorinto 4:10

Hina, hi swihunguki hikwalaho ka Kriste; kambe n'wina mi tlharihile eka Kriste, hina ha tsana, n'wina mi ni matimba; n'wina mi ni ku twala, kambe hina ha soriwa.

Luka 6:20

Kutani Yesu a tlakusa mahlo, a languta vadyondzisiwa va yena, a ku: “Mi katekile n'wina swisiwana, hikuva ku fuma ka Xikwembu ku le ka n'wina.

Matewu 26:11

hikuva loko swi ri swisiwana, mi ta va na swona hi masiku, kambe mina, mi nga ka mi nga vi na mina hi masiku hinkwawo.

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

1 Petro 5:3

mi nga ri lava fumaka ndzhaka ya Hosi, kambe mi va swikombiso swa ntlhambi.

Vafilipiya 3:16

Ntsena loko ku ri laha hi nga fika kona, ndzi ri: Fambani hi nawu wun'we ni ku anakanya kun'we.

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

1 Vakorinto 1:10

Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

Timhaka 4:32

Kambe vunyingi bya lava pfumeleke a yi ri mbilu yin'we ni moya wun'we ntsena; kutani a ku nga ri na munhu la nga vula leswaku swilo leswi a nga na swona, i swa yena swakwe kambe swilo hinkwaswo a va ku i swa vona hinkwavo.

Yeremiya 32:39

Ndzi ta va nyika mbilu yin'we, ni ndlela yin'we ya ku ndzi chava hi masiku, va ta kateka vona, ni vana va vona endzhaku ka vona.

Swivuriso 19:22

Lexi sasaka munhu i vunene bya yena; Munhu wa xisiwana u tlula lowa vunwa.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Swivuriso 19:7

Vamakwavo va xisiwana va xi venga hinkwavo, Ni tintangha ta xona ti ta hatla ti xi sukela, Loko xi vulavula, va hangalaka, va xi siya.

Ntirho 36:5

“Vona, Xikwembu xi ni matimba, kambe a xi tengisi munhu; Xikulu hi matimba ya ku twisisa ka xona.

2 TIKRONIKA 30:12

Voko ra Yehovha ri va kona ni le tikweni ra Yuda ku va nyika mbilu yin'we ku endla hilaha hosi ni tihosana ti leriseke hakona hi rito ra Yehovha.

3 Yohane 1:9

Ndzi tsalerile kereke; kambe Diyotrefo la rhandzaka ku tiendla nkulukumba wa vona, a nga hi amukeri.

Varhoma 6:2

Swi nga tshuki swi va tano! Leswi hina hi feke hitlhelo ra vudyoho, hi ta engeta hi hanya eka byona hi mukhuva wihi xana?

Swivuriso 17:5

La hlekaka xisiwana u sola la n'wi vumbeke, Ni la tsakelaka makhombo ya van'wana a nga ka a nga poni eku biweni.

Swivuriso 26:5

U hlamula xihunguki hi vuhunguki bya xona, Xi nga ti tshuka xi tipimisela wa vutlhari.

Varhoma 11:20

Hi swona; ma phatluriwile hikwalaho ka ku kala ku pfumela; kambe wena u yima hi ku pfumela, u nga tshuki u tikukumuxa, kambe u chava.