Varhoma 12:12 - Xitsonga (Bibele)

¹² Tsakani eku languteleni, mi yingisela emaxangwini, mi chivirikela eku khongeleni.

BIBELE Mahungu Lamanene

¹² Tsakani eku languteleni, mi tiyisela emaxangwini, mi chivirika eku khongeleni.

Testamente Leyimpsha Xichangana

¹² Tsakani kulanguteleni, tiyiselani maxangwini, hitekani kukhongeleni.

Varhoma 12:12 Referans Kwoze

Varhoma 15:13

Xikwembu xa ku tshembeka a xi mi tate hi ku tsaka hinkwako, ni ku rhula hinkwako eku pfumeleni, leswaku mi tala hi ku langutela, hi matimba ya Moya lowo Kwetsima.

Vaheveru 10:36

Hikuva mi fanele ku va ni ku tiyisela leswaku, kutakuloko mi endle ku rhandza ka Xikwembu, mi kuma leswi mi tshembisiweke swona.

Pisalema 62:8

N'wina vanhu, tshembani Xikwembu hi masiku hinkwawo, Halatani timbilu ta n'wina emahlweni ka xona; Xikwembu i vuchavelo bya hina.

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Vaheveru 6:15

Kutani, kuteloko a langutele hi mbilu leyo leha, a kuma leswi a nga tshembisiwa swona.

Vaheveru 6:12

leswaku mi nga ti hundzuka lava lolohaka, kambe mi va valandzeri va lava kumaka ndzhaka ya ku tshembisiwa, hi ku pfumela ni ku leha ka mbilu.

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Vaheveru 12:1

Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Vakolosa 4:2

Tiyiselani emikhongelweni, mi hitekela kona hi ku khensa;

2 Vatesalonika 3:5

Hosi a yi yise timbilu ta n'wina erirhandzwini ra Xikwembu, ni le ku yimeleni ka Kriste hi ntiyiso.

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Timhaka 1:14

Volavo hinkwavo a va tiyisela hi mbilu yi ri yin'we emikhongelweni, va ri ni vavasati, na Mariya, mana wa Yesu ni vamakwavo va yena.

Pisalema 37:7

Miyela emahlweni ka Yehovha, u langutela yena; U nga kariheli munhu la katekeke endleleni ya yena, La hetisaka makungu layo biha ya yena.

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

Swivuriso 10:28

Ku tshemba ka lava lulameke i ku tsaka, Kambe ku langutela ka lava nga lulamangiki ku ta lova.

Vaheveru 10:32

Kambe anakanyani mikarhi leyo sungula, leyi kungakuloko mi voningiwile, mi nga tiyela ku lwa lokukulu ka ku vaviseka:

Vakolosa 4:12

Epafra, warikwenu, ni nandza wa Kriste, wa mi rungula; a karhi a mi lwela hi masiku emikhongelweni ya yena, leswaku mi va lava hetisekeke, ni lava kholwaka eku rhandzeni hinkwako ka Xikwembu.

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Pisalema 109:4

Ematshan'weni ya rirhandzu ra mina, va tivekile valala va mina; Mina, a ndzi tshiki ku khongela.

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Pisalema 40:1

Ndzi langutele Yehovha hi ku tiyisela, Kutani u ndzi korhamele, a yingisa ku huwelela ka mina.

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

2 Petro 1:6

ni le ku tiveni, ku tikhoma; ni le ku tikhomeni, ku yingisela; ni le ku yingiseleni, vukhongeri;

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

2 Vatesalonika 1:4

hi kona hi tidzunisaka ha n'wina etikerekeni ta Xikwembu hikwalaho ka ku tiyisela ka n'wina, ni ku pfumela ka n'wina eku xanisekeni hinkwako, ni le maxangwini lawa mi ma yingiselaka,

1 Vakorinto 13:13

Sweswi ku tiyile swinharhu leswi: ku pfumela, ni ku langutela, ni rirhandzu; kambe lexikulu eka swona, i rirhandzu.

Varhoma 15:4

Hikuva timhaka hinkwato leti tsariweke eku sunguleni, ti tsariwile ku hi dyondzisa, leswaku, hi ku yingisela, ni ku chavelela loku humaka eMatsalweni, hi ta va ni ku langutela.

Luka 21:19

Hlayisani mimoya ya n'wina hi ku tiyisela ka n'wina.

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Swivuriso 14:32

Mudyohi u wisiwa hi ku dyoha ka yena, Kambe la lulameka u ni ku tshemba ni le ku feni ka yena.

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Tito 3:7

leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

2 Timotiya 3:10

Kambe loko u ri wena, u ndzi landzile eku dyondziseni, ni le ku hanyeni, ni le makungwini ni le ku pfumeleni, ni le ku yingiseleni, ni le rirhandzwini, ni le ku tiyiseleni,

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

Vafilipiya 3:1

Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

2 Vakorinto 12:8

Ndzi khongerile Hosi kanharhu, leswaku sweswi, xi suka eka mina.

Varhoma 2:7

Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

Timhaka 12:5

Sweswo, Petro a tshama a languteriwa ekhotsweni. Kambe kereke a yi tiyisela ku n'wi khongelela eka Xikwembu.

Timhaka 6:4

Loko hi ri hina, hi ta tshama hi tiyisela exikhongelweni ni le ntirhweni wa rito.”

Timhaka 2:42

Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Luka 10:20

Hambiswiritano, mi nga tsaki hi leswi mademona ma mi yingisaka; kambe tsakani hikuva mavito ya n'wina ma tsariwile etilweni.”

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.