Varhoma 11:8 - Xitsonga (Bibele)

⁸ kukota leswi ku tsariweke leswaku: “Xikwembu xi va nyikile moya wa vurhongo, ni mahlo lama nga voniki, ni tindleve leti nga twiki; ni namuntlha swa ha ri tano.”

BIBELE Mahungu Lamanene

⁸ hilaha ku tsariweke hakona, va ku: “Xikwembu xi va nyikile moya wo tlanyala, ni mahlo lama nga kotiki ku vona, ni tindleve leti nga kotiki ku twa, ku fikela siku ra namuntlha.”

Testamente Leyimpsha Xichangana

⁸ hilaha kutsaliweke hakona, vaku: “Xikwembu xivanyikile moya wokhudzehela, ni mahlo lamangakotiki kuvona, ni tindleve letingakotiki kutwa, kufikela siku ra namuntlha.”

Varhoma 11:8 Referans Kwoze

Duteronoma 29:4

Kambe ku fika siku ra namuntlha Yehovha a nga mi nyikangi mbilu ya ku twisisa, ni mahlo ya ku vona, ni tindleve ta ku yingisa.

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

Ezekiele 12:2

“N'wana wa munhu u tshamile exikarhi ka yindlu ya vatiarisi lava nga ni mahlo ku vona, kasi a va voni, va ni tindleve ku yingisa kasi a va yingisi, hikuva i va yindlu yo tiarisa.

Luka 8:10

Yena a ku: “N'wina mi nyikiwile ku tiva swihundla swa ku fuma ka Xikwembu, kambe van'wana va swi twa hi swifaniso, leswaku hambi va vona, va nga vonisisi, hambi va twa, va nga twisisi.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Timhaka 28:26

‘Famba eka tiko leri, u ku eka rona: Loko ku ri ku yingisa, mi ta yingisa, kambe mi nga ka mi nga twisisi; loko ku ri ku vona, mi ta vona, kambe mi nga ka mi nga vonisisi;

Esaya 6:9

Kutani yi ku: “Famba u ya byela tiko leri, u ku: ‘Mi ta yingisa, kambe mi nga ka mi nga twisisi, mi ta vona, kambe mi nga ka mi nga vonisisi.’

2 TIHOSI 17:41

Vamatiko lawa, va chava Yehovha, kambe va tirhela swifaniso swa vona, kutani vana va vona ni vatukulu va vona va endla hilaha vatata wa vona va endleke hakona, ku fika namuntlha.

2 TIHOSI 17:34

Ku fikela namuntlha va landzela mikhuva ya vona ya ku sungula, va nga chavi Yehovha ntsena; kambe a va landzi milawu ni mikhuva ya vona, hambi wu ri nawu ni ku lerisa loku Yehovha a ku leriseleke vana va Yakobo, loyi a n'wi thyeke vito ra Israele.

Ezekiele 20:26

Ndzi va ndzi va nyamisa hi magandzelo ya vona, hilaha ingi va hisa vana hinkwavo va mativula, leswaku ndzi va endla rhumbi, va ta swi tiva leswaku hi mina Yehovha.