Varhoma 11:7 - Xitsonga (Bibele)

⁷ Swo vini kutani? Lexi Israele a nga xi lava, a nga xi kumanga, kambe vahlawuriwa va xi kumile; kasi van'wana va nonon'hwisiwile,

BIBELE Mahungu Lamanene

⁷ Xana hi nga vula yini? Leswi Vaisraele a va swi lava, a va swi kumanga, kambe lava hlawuriweke hi Xikwembu va swi kumile. Lavan'wana va nonon'hwisiwile,

Testamente Leyimpsha Xichangana

⁷ Xana hingahlaya yini ke? Lesvi Vaisrayele avasvilava, avasvikumanga, kambe lavahlawuliweke hi Xikwembu vasvikumile. Lavan'wana vatiyelisiwile, vanono'hwisiwile

Varhoma 11:7 Referans Kwoze

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

Varhoma 9:18

Loko swi ri tano xi tsetselela loyi xi rhandzaka ku n'wi tsetselela; kambe xi nonon'hwisa loyi xi rhandzaka ku n'wi nonon'hwisa.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Varhoma 11:5

Swi tano ni le mikarhini yoleyi; ku sele ntlawanyana lowu nga kona hi ku hlawuriwa ka tintswalo.

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

2 Vakorinto 3:14

Kambe ku anakanya ka vona ku nonon'hwisiwile; hikuva ku fika sweswi, loko va hlaya timhaka ta ntwanano wa khale, xisirhelelo lexo xa ha tshamile, a xi nga suki, hikuva xi ngo susiwa hi Kriste ntsena.

Varhoma 9:23

leswaku xi twarisa hi vukulu bya ku kwetsima ka xona etimbiteni ta ku tsetseleriwa, leto ingi xi ti lunghisele ku kwetsima, ka ha ri eku sunguleni;

Vafilipiya 1:18

Swi na yini xana? Hi matlhelo hinkwawo Kriste wa vuriwa; hambi ku ri hi ku kanganyisa, hambi ku ri hi ntiyiso; hi leswi swi ndzi tsakisaka, ndzi ta engeta ndzi tsaka.

1 Vakorinto 10:19

Loko swi ri tano, ndzi ri yini? Xana ndzi ri xifaniso i xilo xana? Kumbe lexi tlhaveriweke xifaniso i xilo xana?

Varhoma 10:3

hikuva hi ku ka va nga tivi ku lulama ka Xikwembu, va lavile ku yimisa ku lulama ka vona; hikwalaho a va tivekanga ehansi ka ku lulama ka Xikwembu.

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Varhoma 3:9

Hi ta ku yini-ke? Xana hi tlula van'wana hi ku lulama xana? E-e, niswitsongo! Hikuva hi kombisiwile eku sunguleni leswaku hinkwavo, hambi va ri Vayuda, hambi va ri Vagriki, va fumiwa hi ku dyoha,

Yohane 12:40

“U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Luka 13:24

A ku eka vona: “Endlani hi matimba ku nghena hi nyangwa leyo khuma, hikuva ndzi ri eka n'wina: Lavo tala va ta rhandza ku nghena, kambe va ta tsandzeka.

Esaya 44:18

A va tivi nchumu, a va na ku twa, hikuva mahlo ya vona ma siveriwe hileswaku va nga voni nchumu, ni timbilu, leswaku ti nga twi nchumu.

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Vaheveru 12:17

Hikuva ma swi tiva leswaku endzhaku, loko a rhandzile ku nyikiwa ndzhaka yo kateka, u nyenyiwile, hikuva a nga kumanga nkarhi wa ku hundzuka, hambi a ku lavile hi mihloti.

Marka 6:52

hikuva a va nga xiyanga masingita ya swinkwa, hikuva timbilu ta vona a ti ri leto nonon'hwa.

Vaefesa 4:18

volavo va nga nyamisiwa emiehleketweni ya vona, kutani va le kule ni vutomi bya Xikwembu hi ku ka va nga tivi nchumu hikwalaho ka ku nonon'hwa ka timbilu ta vona.