Varhoma 11:27 - Xitsonga (Bibele)

²⁷ “kutani hi wona ntwanano lowu ndzi nga ta va tiyisela wona, siku ndzi susaka swidyoho swa vona.”

BIBELE Mahungu Lamanene

²⁷ Kutani hi wona ntwanano lowu ndzi nga ta wu endla na vona, loko ndzi susa swidyoho swa vona.”

Testamente Leyimpsha Xichangana

²⁷ Kutani hi wona ntwananu lowu ningatawuyendla na vona, loko nisusa svijoho sva vona.”

Varhoma 11:27 Referans Kwoze

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Esaya 43:25

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

Vaheveru 10:16

hikuva kuteloko wu rhangile hi ku vula leswaku: “Hi wona ntwanano lowu ndzi nga ta wu endla na vona loko ku hundzile masiku walawo, ku vula Hosi, ndzi ta nghenisa milawu ya mina etimbilwini ta vona, ndzi yi tsala eswifuveni swa vona”;

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.