Varhoma 11:25 - Xitsonga (Bibele)

²⁵ Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

BIBELE Mahungu Lamanene

²⁵ Kutani vamakwerhu, ku endlela leswaku mi nga ti tshuka mi titiva ngopfu, ndzi lava leswaku mi tiva xihundla lexi: Hileswaku, hi tlhelo rin'wana, Vaisraele va nonon'hwisiwile, vamatiko va kondza va nghena eka Xikwembu hi ntalo.

Testamente Leyimpsha Xichangana

²⁵ Kutani vamakwerhu, kuyendlela lesvaku mingatitshuka mititiva ngopfu, nilava lesvaku mitiva xihundla lexi: Hi lesvaku, hi tlhelo rin'wana, Vaisrayele vanonon'hwisiwile, kukondza vamatiko vanghena hinkwavu ka Xikwembu.

Varhoma 11:25 Referans Kwoze

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

Varhoma 12:16

Mi namarhelana kun'we hi mbilu yin'we; mi nga tshuki mi navela leswi tlakukeke, kambe xaxamelani ni lava titsongahataka; mi nga tivoni lavo tlhariha.

Nhlavutelo 10:7

kambe emasikwini ya rito ra ntsumi ya ntlhanu na mambirhi, loko yi ta yimba nanga hilaha xihundla xa Xikwembu xi nga ta hetiseka hilaha xi byeleke malandza ya xona ya vaprofeta hakona.

Nhlavutelo 7:9

Endzhaku ka sweswo, ndzi languta, kutani ndzi vona vunyingi lebyikulu bya vanhu lava ku nga riki na munhu la kotaka ku va hlaya, va matiko hinkwawo, ni va tinxaka hinkwato, ni va swivongo hinkwaswo, ni va tindzimi hihinkwato, va yimile emahlweni ka xiluvelo, ni le mahlweni ka Xinyimpfana, va ambele tinguvu leto basa, va khomile micindzu emavokweni ya vona.

Vaefesa 3:9

ni ku vonakarisa emahlweni ka hinkwavo, ku averiwa ka xihundla lexi ngi xi fihliwile, ka hari mpfhuka wo sungula, eka Xikwembu lexi nga endla hinkwaswo,

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

2 Petro 3:8

Ntsena varhandziwa, ku va ni mhaka yin'we leyi mi nga tshukeni mi yi rivala, hileswaku siku rin'we eka Hosi, ri fana ni malembe ya khume ra madzana, kutani malembe ya khume ra madzana ma kotisa siku rin'we.

1 Vakorinto 10:1

A ndzi swi rhandzi, vamakwerhu, loko mi nga swi tivi leswaku vatatana hinkwavo va tshamile ehansi ka papa, hinkwavo va perile lwandle;

Varhoma 1:13

Kutani, vamakwerhu, a ndzi swi rhandzi loko mi nga swi tivi leswaku ndzi kanerile hakanyingi ku ta eka n'wina, ndzi ta kha mihandzu yin'wana exikarhi ka n'wina, kukota leswi ndzi swi endleke ematikweni man'wanyana; kambe ndzi hlulekile ku fika sweswi.

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Esaya 5:21

Va ni khombo lava tiendlaka lavo tlhariha emahlweni ya vona lava titshembaka emiehleketweni ya vona!

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

1 Vakorinto 12:1

Loko ti ri tinyiko ta Moya, vamakwerhu, a ndzi rhandzi leswaku mi kohla ha nchumu.

Swivuriso 26:16

Lolo ri tivona ku tlhariha Ku tlula va ntlhanu na vambirhi lava hlamulaka swinene.

Swivuriso 26:12

Xana u vone munhu la tivonaka vutlhari? Wa rihuhu u tshembeka ku tlula yeloyi.

Pisalema 127:1

Loko Yehovha a nga aki yindlu, Lava yi akaka va tikarhatela swahava. Loko Yehovha a nga hanyanyeli muti, Valanguteri a va pfuni nchumu.

Pisalema 107:43

I mani la tlhariheke? A a tsundzuke timhaka teto! A va a anakanya vunene bya Xikwembu.

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Yohane 10:16

Ndza ha ri ni tinyimpfu tin'wana leti nga riki ta tshanga leri; na tona ndzi fanele ku ti tisa, ti ta yingisa rito ra mina; kutani ntlhambi wu ta va wun'we, ni murisi a va un'we.

Varhoma 9:18

Loko swi ri tano xi tsetselela loyi xi rhandzaka ku n'wi tsetselela; kambe xi nonon'hwisa loyi xi rhandzaka ku n'wi nonon'hwisa.

Varhoma 11:12

Kutani loko ku wa ka vona ku hundzukile ndzalo ya vamatiko, ku hundzuka ka vona hinkwavo ku ta va loko tano swonghasi!

Varhoma 11:24

Hikuva leswi wena u tekiweke emutlhwarini lowu nga wa nhova hi ntumbuluko, u nghenisiwile emutlhwarini wa le kaya, hi mukhuva lowu nga riki wa ntumbuluko, ngopfungopfu marhavi lama nga wona hi xiviri, ma ta tlhomiwa emutlhwarini lowu nga wona.

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

1 Vakorinto 4:1

Loko swi ri tano, munhu un'wana ni un'wana wa hi tiva leswaku hi malandza ya Kriste, ni vahlavuteri va swihundla swa Xikwembu.

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Vaefesa 4:18

volavo va nga nyamisiwa emiehleketweni ya vona, kutani va le kule ni vutomi bya Xikwembu hi ku ka va nga tivi nchumu hikwalaho ka ku nonon'hwa ka timbilu ta vona.

Nhlavutelo 1:20

xihundla xa tinyeleti ta ntlhanu na timbirhi leti u ti voneke evokweni ra mina ra xinene, ni xa tikandelari ta nsuku, hi xo lexi: Tinyeleti ta ntlhanu na timbirhi, i tintsumi ta tikereke ta ntlhanu na timbirhi; kutani tikandelari ta ntlhanu na timbirhi, i tikereke ta ntlhanu na timbirhi.