Varhoma 11:2 - Xitsonga (Bibele)

² Xikwembu a xi cukumetanga tiko ra xona, leri xi ri tiveke eku sunguleni. Xana a mi swi tivi leswi Tsalwa ri swi vulaka ehenhla ka Eliya, hilaha a nga rila eka Xikwembu hikwalaho ka Israele, a ku:

BIBELE Mahungu Lamanene

² Xikwembu a xi cukumetanga tiko ra xona leri xi ri tiveke ka ha ri ku sunguleni. Xana a mi tivi leswi Tsalwa ri vulaka swona ehenhla ka Eliya xana? Ú vilerile emahlweni ka Xikwembu hikwalaho ka Vaisraele, a ku:

Testamente Leyimpsha Xichangana

² Xikwembu axicukumetanga tiko ra xona leri xiritiveke ni le kusunguleni. Xana amisvitivi lesvi Tsalwa rihlayaka svona mayelanu na Eliya ke? Avilelile mahlweni ka Xikwembu hikolaho ka Vaisrayele, aku:

Varhoma 11:2 Referans Kwoze

Pisalema 94:14

Hikuva Yehovha a nga ka a nga cukumeti tiko ra yena, A nga tshiki ndzhaka ya yena.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Varhoma 9:23

leswaku xi twarisa hi vukulu bya ku kwetsima ka xona etimbiteni ta ku tsetseleriwa, leto ingi xi ti lunghisele ku kwetsima, ka ha ri eku sunguleni;

Timhaka 3:17

“Sweswi, vamakwerhu, ndza swi tiva leswaku mi endlise sweswo hi ku ka mi nga swi tivi, na tona tihosi ta n'wina;

Genesa 44:15

Yosefa a ku eka vona: “Mi endlele yini loko mi endle leswi? Xana a mi swi tivi leswaku munhu la kotisaka mina kunene u tiva ku bvumbha?”

Varhoma 9:6

Hambiswiritano, a hileswaku rito ra Xikwembu ri wile; hikuva a hi hinkwavo lava humeke eka Israele lava nga Vaisraele;

Timhaka 13:48

Kutani vamatiko, loko va twa sweswo, va tsaka, va dzunisa rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Timhaka 7:40

‘Hi endlele swikwembu leswi hi rhangelaka emahlweni, hikuva Muxe loyi a nga hi humesa etikweni ra Egipta, a hi tivi leswi n'wi humeleleke.’

Yohane 4:11

Wansati a ku eka yena: “Hosi, a ku na xikelelo xa ku ka, naswona xihlovo xi entile; mati walawo lama pfelelaka, u nga ma kuma kwihi xana?

Luka 4:1

Kambe Yesu, loko a tele hi Moya lowo Kwetsima, a suka eYordani, a yisiwa hi Moya emananga.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Tinhlayo 16:15

Muxe a kariha ngopfu, kutani a ku eka Yehovha: “U nga ka u nga amukeli nhlengo wa vona! A ndzi va tekelanga mbhongolo ni yin'we; a ndzi dyelelanga ni un'we wa vona.”

Eksoda 32:1

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Vafilipiya 1:22

Kambe a ndzi tivi xana swi sasekile eka mina ku hanya enyameni, kumbexana ndzi fanele ku hlawula xihi;

Timhaka 15:18

ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

1 Vakorinto 6:2

Xana a mi swi tivi leswaku vakwetsimi va ta avanyisa misava? Kutani loko misava yi avanyisiwa hi n'wina, xana a swi mi lulamelanga ha yini ku avanyisa mitengo leyitsongo xana?

Yeremiya 31:37

Ku vula Yehovha: “Loko ku nga pimiwa matilo ya le henhla laha ma fikaka kona, ni masungulo ya misava ya le hansi laha ma helelaka kona, ndzi ta tshika rixaka hinkwaro ra Israele hikwalaho ka hinkwaswo leswi va swi endleke, ku vula Yehovha.”

Marka 12:26

Loko va ri vafi, ni leswi va nga ta pfuka, xana a mi hlayanga ebukwini ya Muxe, hilaha Xikwembu xi nga vulavula na yena exihlahleni, xi ku: ‘Hi mina Xikwembu xa Abrahama, Xikwembu xa Isaka, Xikwembu xa Yakobo’?

Varhoma 6:16

Xana a mi swi tivi leswaku loko mi tiendla makhumbi ya un'wana ku n'wi yingisa, mi makhumbi ya loyi mi n'wi yingisaka, hambi ya vudyoho lebyi yisaka eku feni, hambi ya ku yingisa loku yisaka eku lulameni?

1 Vakorinto 8:3

Kambe loko munhu a rhandza Xikwembu, u tiviwa hi xona.