Varhoma 11:16 - Xitsonga (Bibele)

¹⁶ Loko swirhangana swi kwetsimile, vunyingi, na byona, byi kwetsimile; kutani loko rimitsu ri kwetsimile, marhavi, na wona, ma tano.

BIBELE Mahungu Lamanene

¹⁶ Loko leswo rhanga swa mbila swi humeseriwile Xikwembu, mbila hinkwayo i ya xona; ni loko rimitsu ri nyikiwile Xikwembu, marhavi na wona i ya xona.

Testamente Leyimpsha Xichangana

¹⁶ Loko lesvorhanga sva tindzoho svihumeseliwile Xikwembu, mbila hinkwayu i ya xona; ni loko rimintsu rinyikiwile Xikwembu, marhavi na wona i ya xona.

Varhoma 11:16 Referans Kwoze

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Ezekiele 44:30

Swirhangana swa mihandzu ya tinxaka hinkwato ni mihlengo hinkwayo ya hinkwaswo leswi mi avelaka Xikwembu, swi ta va swa vaprista; mi ta nyika vaprista na swona swirhangana swa mapa ya n'wina, leswaku mi tisa mikateko etindlwini ta n'wina.

Swivuriso 3:9

Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:

Yeremiya 2:21

Kasi mina, a ndzi ku simekile, u ri vhinya leyi hundzisaka hi ku saseka, wa rixaka lerinene; u tihundzurise ku yini leswaku u va vhinya ya rixaka rimbe eka mina-ke?

Varhoma 11:17

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya,

Levhitika 23:10

“Byela vana va Israele, u ku eka vona: ‘Kutakuloko mi nghenile etikweni leri ndzi mi nyikaka rona, loko mi va mi tshovela, mi ta tisa eka muprista nyandza leyo rhanga ya ku tshovela ka n'wina.

Duteronoma 26:10

Oho! Yehovha, waswivo sweswi ndzi tisile swirhangana swa mihandzu ya misava leyi u ndzi nyikeke yona!’ U ta yi veka emahlweni ka Yehovha, Xikwembu xa wena, kutani u ta khinsama emahlweni ka Yehovha, Xikwembu xa wena.

Duteronoma 18:4

U ta n'wi nyika swirhangana swa mavele ya wena, ni swa vhinyo ya wena, ni swa mafurha ya wena, ni swirhangana swa voya bya tinyimpfu ta wena;

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

1 Vakorinto 7:14

Hikuva nuna la nga pfumeriki u kwetsimisiwa hi nsati, ni nsati la nga pfumeriki u kwetsimisiwa hi nuna; loko swi nga ri tano vana va n'wina va ta va vana va thyaka, kasi sweswi, va kwetsimile.

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Eksoda 22:29

“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.