Varhoma 11:11 - Xitsonga (Bibele)

¹¹ Kambe ndzi ri: “Xana va khunguvanyekele makumu xana?” Niswitsanana! Kambe hi ku wa ka vona, ku hlayiseka ku fikele vamatiko, leswaku va ta va pfuxa hi mona.

BIBELE Mahungu Lamanene

¹¹ Ndzi engeta ndzi vutisa ndzi ku: Xana Vaisraele va khugukele ku wela makumu xana? Niswitsanana! Kambe hi nandzu wa ku wa ka vona, ku ponisiwa ku fikela vamatiko, leswaku Vaisraele va ta va ni mavondzo.

Testamente Leyimpsha Xichangana

¹¹ Niyengeta nivutisa niku: Xana Vaisrayele vatiphariyetile kuwela makumu ke? Nikutsongo! Kambe hikolaho ka kuwa ka vona, akupona kufikela vamatiko, lesvaku Vaisrayele vatava ni vukwele.

Varhoma 11:11 Referans Kwoze

Varhoma 11:31

hi mukhuva wolowo, na vona, va hundzuke lava nga yingisiki, hi ku tsetselela loku mi humeleleke, leswaku, na vona, va tsetseleriwa.

Varhoma 11:12

Kutani loko ku wa ka vona ku hundzukile ndzalo ya vamatiko, ku hundzuka ka vona hinkwavo ku ta va loko tano swonghasi!

Varhoma 10:19

Kambe ndzi ri: “Xana Israele a nga swi tivanga xana?” Muxe u sungurile, a ku: “Ndzi ta mi pfuxela rilondzo hi tiko leri nga riki ra nchumu; ndzi ta mi karihisa hi tiko leri nga riki na ku twisisa.”

Varhoma 11:14

leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Ezekiele 18:23

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

Varhoma 11:1

Kambe ndzi ri: Xana Xikwembu xi cukumetile tiko ra xona xana? E-e! Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Ezekiele 18:32

Hikuva a ndzi tsakeli rifu ra loyi a lovaka, ku vula Hosi Yehovha. Hundzukani hakona, mi ta hanya!”

Timhaka 13:42

Kakuloko va huma esinagogeni, va va khongela leswaku hi Savata leyi taka, va ta va dyondzisa kambe timhaka teto.

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Luka 20:16

U ta ta, a dlaya varimi valavo, a va a nyika van'wana nsimu va vhinya.” Loko Vayuda va twa sweswo, va ku: “Swi nga tshuki swi va tano.”