Varhoma 10:5 - Xitsonga (Bibele)

⁵ Hikuva Muxe u ringanisile ku lulama loku humaka enawini, loko a te: “Munhu la endlaka swilo leswo, u ta hanya ha swona!”

BIBELE Mahungu Lamanene

⁵ Muxe ú tsarile leswaku munhu la lavaka ku lulama loku humaka eNawini, ú ta hanya ha kona.

Testamente Leyimpsha Xichangana

⁵ Moxe atsalile lesvaku munhu lweyi alavaka kululama loku kuhumaka Nawini, atahanya hakona.

Varhoma 10:5 Referans Kwoze

Levhitika 18:5

Mi ta yingisa milawu ya mina ni ku lerisa ka mina, munhu la swi endlaka u ta hanya ha swona; hi mina Yehovha.

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Ezekiele 20:21

Kambe, na vona, vana va vona va ndzi hundzukela; va ala ku famba hi ku lerisa ka mina, va nga hlayisi milawu ya mina ku yi endla, leyi munhu la yi endlaka a nga ta hanya ha yona, va nyamisa Tisavata ta mina, kutani ndzi ku, ndzi ta va chululela vukari bya mina, ndzi ta hetisa vukari bya mina ehenhla ka vona emananga.

Ezekiele 20:13

Kambe va yindlu ya Israele va hundzukile mananga eka mina; a va fambangi hi ku lerisa ka mina, va cukumete milawu ya mina leyi munhu la endlaka ha yona a nga hanyaka ha yona, va nyamise ngopfu Tisavata ta mina, kutani ndzi ku ndzi ta chela vukari bya mina ehenhla ka vona emananga ku va heta.

Ezekiele 20:11

Ndzi va nyika milawu ya mina, ndzi va ndzi va tivisa ku avanyisa ka mina loku munhu a nga hanyaka hakona loko a ku endla.

Vagalatiya 3:12

Kasi nawu a wu humi eku pfumeleni, kambe wu te: “Munhu la endlaka swoleswo u ta hanya ha swona.”

Varhoma 7:10

Kutani ku kumeka leswaku, ku lerisa loku yisaka eku hanyeni, ku ndzi yisile eku feni.

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;