Varhoma 10:3 - Xitsonga (Bibele)

³ hikuva hi ku ka va nga tivi ku lulama ka Xikwembu, va lavile ku yimisa ku lulama ka vona; hikwalaho a va tivekanga ehansi ka ku lulama ka Xikwembu.

BIBELE Mahungu Lamanene

³ hikuva leswi va nga tivangiki ku lulama loku nyikiwaka hi Xikwembu, kutani va lavaka ku lulama loku va tiendlelaka hi voxe, a va tivekanga ehansi ka ku lulama loku nyikiwaka hi Xikwembu.

Testamente Leyimpsha Xichangana

³ hikuva lesvi vangativiki kululama loku kunyikiwaka hi Xikwembu, kutani valavaka kululama loku vatiyendlelaka hi voxe, avativeki hansi ka kululama lokunyikiwaka hi Xikwembu.

Varhoma 10:3 Referans Kwoze

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Varhoma 5:19

Hikuva kukotisa leswi lavo tala va endliweke vadyohi hi ku ka munhu un'we a nga yingisanga, hi mukhuva wolowo, lavo tala va ta vekiwa lava lulameke hi ku yingisa ka un'we.

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Varhoma 3:22

ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;

Esaya 57:12

Ndzi ta vula ku lulama ka wena, kutani mitirho ya wena, a yi nga ku pfuni nchumu.

Esaya 51:8

hikuva nsumba yi ta va dya tanihi nguvu, hele ri ta va luma tanihi voya; kambe ku lulama ka mina ku ta sala hi masiku, ni ku hlayiseka ka mina hilaha ku nga heriki!”

Luka 10:29

Kambe yena, hikuva a rhandza ku tiendla la lulameke, a ku eka Yesu: “Warikwerhu i mani xana?”

Esaya 56:1

Yehovha u vurisa sweswo, a ku: “Hlayisani leswinene, mi endla leswo lulama, hikuva ku hlayiseka ka mina ku nga ka ku nga hlweri ku ta, ni ku lulama ka mina ku le kusuhi ni ku humelela.

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Esaya 64:6

A hi fana hinkwerhu ni munhu la nyamisiweke, kutani ku lulama ka hina hinkwako a ku fana ni nguvu leyi nyamisiweke; a hi vunile hinkwerhu tanihi tluka, kutani swidyoho swa hina swi hi hundzisa tanihi mheho.

Pisalema 71:19

Ku lulama ka wena Xikwembu, ku tlakukile ngopfu, U endle leswikulu, oho Xikwembu! I mani la fanaka na wena!

Ntirho 33:27

A yimbelela emahlweni ka vanhu a ku: ‘Ndzi dyohile, ndzi homboloxe ku lulama. Kambe a ndzi beriwanga ku dyoha ka mina.

Levhitika 26:41

(kambe na mina ndzi lwile na vona, kutani ndzi va nghenisile etikweni ra valala va vona); kutakuloko timbilu ta vona leta ku ka ti nga yimbanga ti titsongahata, ni loko va amukela ku biwa ka milandzu ya vona,

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Varhoma 3:26

a swi ri leswaku xi kombisa ku lulama ka xona emikarhini ya sweswi, leswaku xi va lexi lulameke loko xi ri karhi xi khanisa la nga ni ku pfumela eka Yesu.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Duteronoma 6:25

Ku ta va ku lulama eka hina loko hi hlayisa hi ku chivirika milawu hinkwayo leyi, emahlweni ka Yehovha, Xikwembu xa hina, hilaha xi nga hi lerisa hakona.’

Esaya 51:1

“Ndzi yingiseni, n'wina lava tilavelaka swo lulama, lava lavaka Yehovha! Langutani ribye leri mi tekiweke eka rona ni ntshava ya ribye leyi mi humesiweke eka yona!

Varhoma 10:2

Hikuva ndzi mbhoni ya vona, ndzi ri: Va hisekela Xikwembu, kambe ku nga ri hi ku tiva;

Varhoma 10:20

Kutani Esaya a tiyisa ngopfu, a ku: “Ndzi kumiwile hi lava va nga ndzi lavangiki; ndzi tikombisile eka lava ingi ndzi nga vutisiwi hi vona.”

Varhoma 11:7

Swo vini kutani? Lexi Israele a nga xi lava, a nga xi kumanga, kambe vahlawuriwa va xi kumile; kasi van'wana va nonon'hwisiwile,