Varhoma 10:15 - Xitsonga (Bibele)

¹⁵ Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

BIBELE Mahungu Lamanene

¹⁵ Kutani vanhu va ta dyondzisisa ku yini, loko va nga rhumiwanga ke? Hilaha ku tsariweke hakona va ku: “A hi ku tsakisa ku vona lava taka, va tisa Mahungu Lamanene!”

Testamente Leyimpsha Xichangana

¹⁵ Kutani vatavachumayelisa kuyini, loko vangarhumiwanga ke? Hilaha kutsaliweke hakona vaku: “Ahikutsakisa ka svona kuvona lavataka, vapaluxa Evhangeli!”

Varhoma 10:15 Referans Kwoze

Esaya 52:7

Yi sasekile swonghasi etintshaveni, milenge ya loyi a tisaka timhaka to nandziha, la vulavulaka swo rhula, ya loyi a tisaka timhaka leti tsakisaka, loyi a vulaka swa vutomi, loyi a byelaka Siyoni, a ku: “Xikwembu xa wena xa fuma!”

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Vaefesa 2:17

Kutani leswi a nga ta, a vula ku rhula eka n'wina valavo ingi mi ri ekule, ni ku rhula eka lava ingi va ri ekusuhi;

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Vaefesa 6:15

emilengeni ya n'wina mi havaxela ku hiseka loku nyikiwaka hi Evhangeli ya ku rhula;

Esaya 40:9

Tlhandlukelani entshaveni leyo leha, n'wina lami tiselaka Siyoni mhaka leyo nandziha; tlakusani rito hi matimba, n'wina la mi tiselaka Yerusalema, mhaka leyo nandziha; ri tlakuseni, mi nga chaveni; byelani miti ya Yuda, mi ku: “Hi xona Xikwembu xa n'wina!”

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Yeremiya 23:32

Vonani, ndzi ni mitengo na lava profetaka milorho ya mavunwa, ku vula Yehovha, va yi vulavulaka ku hambuxa tiko ra mina hi mavunwa ya vona, ni ku tikanganyisa ka vona; kasi a ndzi va rhumanga, a ndzi va nyikanga ku lerisa; loko ku ri ku pfuna, a va pfuni tiko leri ha nchumu, ku vula Yehovha.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Yohane 20:21

Yesu a engeta a ku eka vona: “Ku rhula a ku ve na n'wina! Kukotisa leswi Tatana a ndzi rhumeke, na mina ndzi mi rhumisa sweswo.”

Timhaka 22:21

Kavaloko Hosi yi ku eka mina: ‘Famba, hikuva ndzi ta ku rhuma ekule eka vamatiko.’ ”

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Luka 10:1

Endzhaku ka sweswo, Hosi yi tlhela yi veka van'wana va ntlhanu wa makume na makume mambirhi, kutani yi va rhuma havambirhi leswaku va n'wi rhangela emahlweni, emitini hinkwayo ni matlhelo hinkwawo laha a nga ta famba kona.

Luka 8:1

Endzhaku ka swona, Yesu a famba hi miti ni swimitana a ri karhi a dyondzisa, a vula Evhangeli ya ku fuma ka Xikwembu; na vona lava khume na vambirhi a va ri na yena,

Luka 2:14

“Ku kwetsima a ku ve eka Xikwembu ematilweni ya le henhla, ku tsaka a ku ve emisaveni eka vanhu lava khensiwaka.”

Luka 2:10

Ntsumi yi ku eka vona: “Mi nga chavi, vonani, ndzi mi byela ku tsaka lokukulu, loku nga ta va eka tiko hinkwaro;

Matewu 9:38

Khongelani hakona hosi ya ku tshovela, leswaku yi rhuma vatirhi eku tshoveleni ka yona.”

Esaya 57:19

Loyi a vekaka ku khensa emilon'wini ya vanhu, a ku: “Ku rhula, ku rhula eka loyi a nga ekule, ni ka loyi a nga ekusuhi! Ndzi ta va hanyisa.

Timhaka 10:36

Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

Varhoma 1:15

Kutani sweswi, loko ndzi ri mina, ndzi tilunghisele ku vula Evhangeli, ni le ka n'wina lava nga eRhoma.

Varhoma 15:20

Ndzi ri karhi ndzi rhandza ngopfu ku vula Evhangeli lomu Kriste a nga siki vuriwaka kona, leswaku ndzi nga tshuki ndzi aka emasungulweni ya van'wana.