Varhoma 1:30 - Xitsonga (Bibele)

³⁰ i vahlevi, i valumbeti, i vavengi va Xikwembu, i varhukani, i vatiarisi, i vatikurisi; lava pfuxaka swo biha, lava nga yingisiki vatswari va vona;

BIBELE Mahungu Lamanene

³⁰ ni valumbeti; i vavengi va Xikwembu, va mona lava titivaka ni lava tidzunisaka; i vanhu lava sungulaka tindlela leto biha letintshwa, lava nga yingisiki vatswari va vona;

Testamente Leyimpsha Xichangana

³⁰ ni valumbeti; i vavengi va Xikwembu, va mona lavatitivaka ni lavatidzunisaka; i vanhu lavasungulaka tindlela letobiha letimpsha, lavangayingisiki vapsali va vona;

Varhoma 1:30 Referans Kwoze

2 Timotiya 3:2

Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi,

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Yakobo 4:16

Kambe sweswi, ma tidzunisa hi ku tikukumuxa ka n'wina: Ku tidzunisa loko tano ku bihile hinkwako.

Yakobo 3:5

Hi mukhuva wolowo, na rona ririmi, i xirho lexitsongo, kambe ri tidzunisa ngopfu. Vonani ndzilo lowutsongo, wu nga hisa tihunyi leto tala swonghasi!

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

2 Vakorinto 10:15

A hi tidzunisi hi leti nga hi ringaniki, yi nga mitirho ya van'wana, kambe hi tshembile leswaku ku pfumela ka n'wina, loko ku ri karhi ku kula, hi ta hundzela emahlweni ngopfu eku averiweni loku hi lerisiweke,

Varhoma 3:27

Nkarhi wa ku tidzunisa wu kwihi xana? Ku hava. Hi nawu wihi-ke? Wa mitirho xana? E-e; kambe hi nawu wa ku pfumela.

Varhoma 2:23

Wena la tidzunisaka hi nawu, u xumbadza Xikwembu hi ku tlula nawu!

Varhoma 2:17

Wena-ke, la nga ni vito ra Muyuda, u tshembeke nawu, u tidzunisaka hi Xikwembu,

Timhaka 5:36

hikuva khalenyana ku humelele Tudasi, la tivekeke lonkulu, a tatiwa hi vanhu lava laveke ku va mune wa madzana; kambe a dlawa, kutani lava nga yima na yena va hangalasiwa hinkwavo, va hela.

Luka 21:16

Mi ta nyiketiwa hi vatswari va n'wina, ni vamakwenu, ni vanakuloni, ni varikwenu; kambe va ta dlaya van'wana va n'wina.

Matewu 16:21

Kavaloko Yesu a sungula ku hlamusela vadyondzisiwa va yena leswaku a fanele ku ya Yerusalema, a ya twisiwa ku vaviseka lokukulu hi vakulukumba, ni vaprista lavakulu, ni vatsari, a dlawa, a tlhela a pfuka hi siku ra vunharhu.

Matewu 15:4

Hikuva Xikwembu xi lerisile, xi te: ‘Chava tata wa wena ni mana wa wena’; kambe xi te: ‘La rhukanaka tata wa yena, hambi mana wa yena a a dlayiwe.’

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Eklesiasta 7:29

Languta ntsena lexi ndzi xi kumeke: Hi leswaku Xikwembu xi endlile vanhu lava lulameke, kambe vona va lavile mikhuva yo tala.

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

Swivuriso 25:23

Moya wa dzonga wu humesa mpfula, Ririmi leri tshivelaka exihundleni ri humesa mombo lowo kariha.

Swivuriso 8:36

Kambe la ndzi dyohelaka u onha moya wa yena. Hinkwavo lava ndzi vengaka va rhandza rifu.”

Pisalema 106:39

Na vona va tichela hi thyaka hi mitirho ya vona, Ni mitirho ya vuoswi bya vona.

Pisalema 99:8

Oho Yehovha, Xikwembu xa hina u va yingisile, U vile eka vona Xikwembu lexi va rivalelaka, Kambe u rihisile ku dyoha ka vona.

Pisalema 97:7

Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Pisalema 94:4

Va vulavula hi ku tikukumuxa; Hinkwavo lava dyohaka va tidzunisa.

Pisalema 81:15

Lava vengaka Yehovha, a va ta titsongahata emahlweni ka yena, Nkarhi wa ku kateka ka vona a wu ta va lowu nga heriki,

Pisalema 52:1

Xana u tidzunisela yini hi ku biha, wena nhenha? Tintswalo ta Xikwembu ti kona hi masiku.

Pisalema 49:6

Va tshemba rifuwo ra vona, Va tidzunisa hi vukulu bya ku fuwa ka vona.

2 TIKRONIKA 25:19

U vurile, u ku: ‘Waswivo, ndzi hlurile Edomu,’ kutani mbilu ya wena yi ku kucetele ku tidzunisa; sweswi, tshama ekaya ka wena! Xana u nga lavela yini khombo leswaku u lovisiwa, wena, ni va Yuda na wena-ke?”

2 TIKRONIKA 19:2

Kavaloko Yehu, n'wana Hanani, muprofeta, a huma a ya hlangana na yena, a ku eka hosi Yoxafati: “Xana lowo biha u fanekele ku pfuniwa-ke, xana u rhandza lava vengaka Yehova-ke? Hikwalaho ka swona, Yehovha u ku karihele.

1 TIHOSI 20:11

Hosi ya Israele yi hlamula yi ku: “Fambani, mi ku eka yena: ‘La tibohaka hi vamba a nga tshuki a tidzunisa kukotisa loyi a ri tshunxaka.’ ”

Duteronoma 27:16

“ ‘A ku rhukaniwe la sandzaka tata wa yena, hambi a ri mana wa yena!’ Kutani tiko hinkwaro ri ta hlamula, ri ku: ‘Amen!’

Duteronoma 7:10

kambe u rihisa lava n'wi vengaka, hi ku va heta; a nga hlweri ku rihisa la n'wi vengaka.

Tinhlayo 10:35

Eku sukeni ka areka, Muxe a a ku: “Pfuka, Yehovha! Valala va wena a va hangalasiwe, lava ku vengaka a va hlongorisiwe emahlweni ka wena.”

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Pisalema 5:5

Lavo hunguka va nga ka va nga yimi emahlweni ka wena; U venga vadyohi hinkwavo.

Swivuriso 24:8

La kanelaka leswo biha U vuriwa n'wansele.

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.