Varhoma 1:23 - Xitsonga (Bibele)

²³ kutani ku kwetsima ka Xikwembu lexi nga boriki, va ku hundzule xifaniso lexi fanisaka munhu la bolaka, ni tinyanyana, ni swiharhi swa mune wa milenge, ni swikokovi.

BIBELE Mahungu Lamanene

²³ kutani va tshikile ku kwetsima ka Xikwembu lexi nga fiki, va tiendlela swifaniso leswi nga ni xivumbeko xa munhu la faka, ni xa tinyanyana, ni xa swiharhi, ni xa swikokovi.

Testamente Leyimpsha Xichangana

²³ kutani vatshikile kukwetsima ka Xikwembu lexingafiki, vatiyendlela svifaniso lesvinga ni xivumbeko xa munhu lweyi afaka, ni xa tinyanyana, ni xa sviharhi, ni xa tinyoka.

Varhoma 1:23 Referans Kwoze

Pisalema 106:20

Ku kwetsima ka vona, va ku hundzula Xifaniso xa homu leyi dyaka byanyi.

Yeremiya 2:11

Haa! Xana tiko ri nga va kona leri tshikaka Xikwembu xa rona, ku teka swin'wana, kasi swona a hi swikwembu xana? Kambe tiko ra mina ri tshikile ku kwetsima ka rona, ri tifuwisa hi leswi nga riki nchumu!

Timhaka 17:29

Kutani leswi hi nga rixaka ra Xikwembu, a hi fanelanga ku anakanya leswaku vukwembu byi fana ni nsuku, hambi ntsopfu, kumbe ribye, yi nga mitirho ya vutlhari ni miehleketo ya vanhu.

Varhoma 1:25

va nga valavo lava hundzuleke ntiyiso wa Xikwembu mavunwa, va gandzela, va va va tirhela leswi vumbiweke, a nga ri Muvumbi la vongiwaka hi masiku ni masiku. Amen!

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Ezekiele 8:10

Kavaloko ndzi nghena, ndzi vona swifaniso leswo tala swa swikokovi ni swa swivandzana leswi yilaka, ni swa swikwembu hinkwaswo swa yindlu ya Israele, swi tsariwile emakhumbini ematlhelweni hinkwawo.

Duteronoma 5:8

“ ‘U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni ni loko xi ri xa swilo leswi nga ematini, ehansi ka misava.

Esaya 44:13

Muvatli u pima hi mpimo, u tsala xifaniso hi pitloti, a xi vatla hi nsendzo, a xi pima hi kompasi; kutani a endla xifaniso lexi fanaka ni munhu, munhu lowo saseka, ku xi rhurhela endlwini.

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

Esaya 40:26

Tlakusani mahlo ya n'wina, mi languta! I mani la tumbuluxeke swilo sweswo, la fambiseke hi ku ri xaxameta vandla ra swona xana? U swi vitana hinkwaswo hi mavito ya swona, hi ntamu lowukulu wa yena, ni matimba lamakulu ya yena, ku hava ni xin'we lexi pfumalekaka.

Nhlavutelo 9:20

Kambe vanhu lava seleke, lava nga dlayiwangiki hi makhombo walawo, a va hundzukanga emitirhweni ya mavoko ya vona; a va tshikanga ku gandzela mademona, ni swifaniso swa nsuku, ni swa silivhere, ni swa koporo, ni swa maribye, ni swa mitsandze, leswi nga voniki, ni ku yingisa, ni ku famba.

Timhaka 10:12

endzeni ka xona, a ku ri ni hinkwaswo leswi hanyaka emisaveni, swa mune wa milenge, ni leswi kokovaka, ni tinyanyana ta tilo.