Varhoma 1:21 - Xitsonga (Bibele)

²¹ Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

BIBELE Mahungu Lamanene

²¹ Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Testamente Leyimpsha Xichangana

²¹ Hambi loko vativile Xikwembu, avaxidzunisanga vaku i Xikwembu, avaxikhensanga; kambe vapimisile lesvokala svingapfuni nchumu, ni timbilu ta vona letingaliki na kutwisisa tibihisiwile.

Varhoma 1:21 Referans Kwoze

2 TIHOSI 17:15

Va sandza milawu ya yena, ni ntwanano wa yena lowu a wu endleke ni vatata wa vona, ni ku layiwa loku a va layeke hakona; va landza swahava, kutani va hundzuka swahava, va ri karhi va famba endzhaku ka matiko lawa ma va rhendzeleke, lawa Yehovha a va leriseke leswaku va nga tshuki va endla kukotisa wona.

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Pisalema 50:23

La humesaka ku vonga ri va gandzelo, wa ndzi dzunisa, Ni loyi a lulamisaka ndlela ya yena, Ndzi ta n'wi kombisa ku hlayiseka ka Xikwembu.”

2 Timotiya 3:2

Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi,

Nhlavutelo 14:7

yi vula hi rito leri tlakukeke yi ku: “Chavani Xikwembu mi xi dzunisa, hikuva nkarhi wa ku avanyisa ka xona wu fikile; khinsamelani la endleke tilo ni misava, ni lwandle, ni swihlovo swa mati.”

Yohane 3:19

Ku avanyisa hi kuloku: Ku vonakala ku tile emisaveni, kambe vanhu va rhandzile munyama ku tlurisa ku vonakala, hikuva mitirho ya vona a yi ri leyo biha.

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Pisalema 81:12

Hi laha ndzi va tshikeke eku tiariseni ka timbilu ta vona, Va landzela switsundzuxo leswi nga swa vona ...

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Varhoma 11:10

A ku nyamisiwe mahlo ya vona leswaku ma nga voni ni mihlana ya vona a yi herheke hi masiku.”

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Varhoma 1:19

hikuva leswi nga tiviwaka swa Xikwembu swi vonakisiwile erivaleni eka vona, hikuva Xikwembu xi va kombisile swona.

Varhoma 15:9

leswaku vamatiko va dzunisa Xikwembu hikwalaho ka tintswalo ta xona, kukota leswi tsariweke leswaku: “Hikwalaho, ndzi ta ku twarisa exikarhi ka matiko, ndzi ta yimbelela vito ra wena hi tinsimu.”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Hosiya 2:8

“Kambe a a nga tivi leswaku hi mina loyi ndzi n'wi nyikaka koro, ni vhinyo, ni mafurha, ndzi n'wi andziselaka silivhere, ni nsuku lowu va wu humeselaka Baali.

Esaya 60:2

Hikuva, waswivo, munyama wu ta funengeta misava, ni papa lera ntima ri ta va ehenhla ka matiko; kambe Yehovha u ta ku humelela, kutani ku twala ka yena ku ta voninga ehenhla ka wena.

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

1 Petro 1:18

Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

Eklesiasta 7:29

Languta ntsena lexi ndzi xi kumeke: Hi leswaku Xikwembu xi endlile vanhu lava lulameke, kambe vona va lavile mikhuva yo tala.

Duteronoma 28:29

u ta ambamba ninhlekanhi kukotisa lowo fa mahlo a ambambaka emunyameni, kutani u nga ka u nga tsaki etindleleni ta wena. U ta xanisiwa ni ku yiveriwa ntsena hi masiku hinkwawo, kutani ku nga ka ku nga vi na muponisi!

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

1 TIHOSI 20:23

Kutani malandza ya hosi ya Siriya ma ku eka yena: “Xikwembu xa vona i xikwembu xa tintshava hikwalaho va hi hluleke, kambe a hi lweni na vona erivaleni, va ta vona xana hi nga ka hi nga va hluri!

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Ezekiele 20:25

Hilaha ndzi va nyikeke ku lerisa loku ingi ku nga ri kunene, ni milawu leyi nga tiki va hanyisa.

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.