Varhoma 1:20 - Xitsonga (Bibele)

²⁰ Hikuva leswi nga voniwiki swa Xikwembu, ma nga matimba ya xona lama nga heriki, ni vukwembu bya xona, swi vonake ngopfu, ka ha ri mpfhuka misava yi tumbuluka, loko ku tsundzukiwa mitirho ya xona, ku va leswaku va pfumala ku tilandzula.

BIBELE Mahungu Lamanene

²⁰ Hikuva hi mpfhuka misava yi tumbuluka, leswi nga vonakiki swa Xikwembu, ma nga matimba ya xona lama nga heriki ni vukwembu bya xona, swa vonaka swinene loko ku anakanyiwa mintirho ya xona; hikokwalaho, va hava xo tilandzula ha xona.

Testamente Leyimpsha Xichangana

²⁰ Hikuva kusukela loko misava yitumbuluka, lesvingavonakiki sva Xikwembu, manga matimba ya xona lawa mangaheliki ni vukwembu bza xona, svavoneka svinene loko kutsundzukiwa mintirho ya xona; hi kolaho, vapfumala xotilandzula ha xona.

Varhoma 1:20 Referans Kwoze

Varhoma 1:19

hikuva leswi nga tiviwaka swa Xikwembu swi vonakisiwile erivaleni eka vona, hikuva Xikwembu xi va kombisile swona.

Esaya 40:26

Tlakusani mahlo ya n'wina, mi languta! I mani la tumbuluxeke swilo sweswo, la fambiseke hi ku ri xaxameta vandla ra swona xana? U swi vitana hinkwaswo hi mavito ya swona, hi ntamu lowukulu wa yena, ni matimba lamakulu ya yena, ku hava ni xin'we lexi pfumalekaka.

Pisalema 8:3

Loko ndzi hlalela matilo, ntirho wa tintiho ta wena, Ni n'weti, ni tinyeleti leti u ti lunghiseke;

Varhoma 2:15

Va kombisa leswaku ntirho wa nawu wu tsariwile etimbilwini ta vona, ripfalo ra vona i mbhoni ya vona: ni miehleketo ya vona ya va tshinya, kumbe yi va yimela;

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Yohane 15:22

Loko ngi ndzi nga tanga ndzi vulavula na vona, a va nga ta va na nandzu, kambe sweswi, a va na lexi va nga ta landzula ha xona nandzu wa vona.

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

Vakolosa 2:9

Hikuva ku tala ka vukwembu hinkwabyo ku akile eka yena hi miri.

Pisalema 139:13

Kunene hi wena la vumbeke xisuti xa mina, U ndzi vumbile ekhwirini ra manana.

Pisalema 119:90

Vutshembeki bya wena byi tshama eka vatukulu ni vatukulwana; U sungurile misava, kutani yi tama ya ha tiyile.

Pisalema 104:5

U tiyisile misava emasungulweni ya yona, Yi nga ka yi nga tsekatseki ni siku ni rin'we.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Varhoma 2:1

Loko swi ri tano, wena munhu, hambi u ri mani na mani la avanyisaka van'wana, a ku na ku tilandzula; hikuva loko u ri karhi u avanyisa van'wana, wa tiavanyisa na wena, hikuva u endla leswi u avanyisaka van'wana ha swona.

Duteronoma 4:19

Hlayisa moya wa wena, leswaku loko u ta tlakusela mahlo ya wena etilweni, u vona dyambu ni n'weti, ni tinyeleti, yi ri nyimpi hinkwayo ya matilo, u nga tshuki u navela ku khinsama emahlweni ka swona, u swi tirhela: Yehovha, Xikwembu xa wena, u nyikile swilo leswi eka matiko hinkwawo ehansi ka matilo hinkwawo, leswaku yi va ndzhaka ya vona.

Vakolosa 1:15

Hi yena a nga xifaniso xa Xikwembu lexi nga voniwiki, mativula ya hinkwaswo leswi nga endliwa.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Esaya 26:4

Tshembani Yehovha hi mikarhi ni mikarhi, hikuva Yehovha, Yehovha i ribye ra malembe ya madzana dzana.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Pisalema 104:31

Ku kwetsima ka Yehovha a ku tshame hi laha ku nga heriki! Yehovha a a tsakele mitirho ya yena!

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Varhoma 16:26

kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Timhaka 17:29

Kutani leswi hi nga rixaka ra Xikwembu, a hi fanelanga ku anakanya leswaku vukwembu byi fana ni nsuku, hambi ntsopfu, kumbe ribye, yi nga mitirho ya vutlhari ni miehleketo ya vanhu.

Pisalema 90:2

Loko tintshava ti nga si tumbuluka, Loko u nga si vumba misava, ni swilo hinkwaswo, Hi mikarhi ni mikarhi, u Xikwembu.

Duteronoma 33:27

Xikwembu xa khale i vuchavelo! Mavoko lama nga heriki ma ku tlakusile. Xi hlongorile nala emahlweni ka wena, Kutani xi ku: ‘Herisa!’

Vaheveru 11:27

Hi ku pfumela, u sukile eEgipta, a nga chavi ku kariha ka hosi; hikuva a a tiyile kukotisa loko ngi a vona loyi a nga voniwiki.

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Timhaka 22:1

“Vavanuna varikwerhu na vatatana, yingisani sweswi ku tilandzula ka mina eka n'wina.”

Genesa 1:1

Eku sunguleni Xikwembu xi tumbuluxile tilo ni misava.

Ntirho 12:7

“Wa nga vutisa tihomu, ti ta ku dyondzisa, Ni tinyanyana ta le tilweni, ti ta ku byela;

Yeremiya 51:15

“U endlile misava hi matimba ya yena, u yi lunghisile hi vutlhari bya yena, kambe a andlale matilo hi ku twisisa ka yena.

Marka 10:6

Kambe eku sunguleni, Xikwembu xi endlile wanuna ni wansati.

1 Vakorinto 1:20

U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?