Varhoma 1:11 - Xitsonga (Bibele)

¹¹ hikuva ndzi navela ngopfu ku mi vona leswaku ndzi mi pfuna hi ku nyika kun'wana ka Moya, mi ta tiyisiwa hakona;

BIBELE Mahungu Lamanene

¹¹ hikuva ndzi navela ngopfu ku mi vona leswaku ndzi mi avela nyiko yin'wana ya Moya, mi ta tiyisiwa hi yona;

Testamente Leyimpsha Xichangana

¹¹ hikuva ninavela ngopfu kumivona lesvaku nihlengela na n'wina ka nyiko yin'wana ya Moya, mitatiyisiwa hi yona;

Varhoma 1:11 Referans Kwoze

2 Petro 1:12

Hikwalaho ndzi nga ka ndzi nga tshiki ku mi tsundzuxa hi masiku timhaka leti, hambi mi ti tiva, hambi, na swona, mi tiyile entiyisweni lowu nga kona.

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

2 Vatesalonika 3:3

Kambe Hosi ya tshembeka, hi yona leyi nga ta mi tiyisa ni ku mi sirhelela eka lowo biha.

Varhoma 15:29

Kambe ndza swi tiva leswaku, eku fikeni ka mina eka n'wina, ndzi ta ta hi mikateko hinkwayo ya Kriste.

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

2 Vatesalonika 2:17

a a ve yena la chavelelaka timbilu ta n'wina, a va a mi tiyisa emitirhweni hinkwayo leyo saseka, ni le dyondzweni hinkwayo leyo lulama.

Timhaka 19:6

Kuteloko Pawulo a va tlhandlekile mavoko, Moya lowo Kwetsima wu ta ehenhla ka vona; kutani va vulavula hi tindzimi, va ri karhi va profeta.

Timhaka 16:5

Hi mukhuva wolowo tikereke ti tiyisiwa eku pfumeleni, kambe a ti andza siku rin'wana ni rin'wana.

2 TIKRONIKA 20:20

Siku leri tlhandlamaka, va pfuka nimixo, va huma etlhelo ra mananga ra Tekowa; kakuloko va huma, Yoxafati a yima kona, a ku: “Ndzi yingiseni, n'wina va Yuda, na n'wina vaaki va Yerusalema! Tshembani Yehovha, Xikwembu xa n'wina, mi ta tiyisiwa; tshembani vaprofeta va yena, mi ta humeleriwa hi ku kateka.”

1 Vatesalonika 3:13

yi va yi tiyisa timbilu ta n'wina, leswaku ti pfumala xisandzu eku kwetsimeni, emahlweni ka Xikwembu, Tata wa hina, eku humeleleni ka Hosi ya hina, Yesu Kriste, ni vakwetsimi va yena hinkwavo.

1 Vatesalonika 3:2

kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina;

Vafilipiya 4:1

Hikwalaho, vamakwerhu lava rhandziwaka, lava naveriwaka ngopfu, lava mi nga ku tsaka ka mina, ni harhi ya mina, tiyiselani sweswo eHosini, varhandziwa.

Vafilipiya 2:26

hikuva u naverile ngopfu ku mi vona hinkwenu, kutani a a vaviseka ngopfu hi leswi mi tweke ku vabya ka yena.

Vafilipiya 1:8

Hikuva Xikwembu i mbhoni yanga leswaku ndzi mi xuva hinkwenu hi rirhandzu ra Yesu Kriste.

2 Vakorinto 9:14

na swona va mi khongelela hikuva va mi rhandza ngopfu hikwalaho ka tintswalo leto saseka ta Xikwembu leti mi taleleke.

2 Vakorinto 1:21

Kutani la hi tiyisaka na n'wina eka Kriste,

Varhoma 15:32

leswaku ndzi mi endzela hi ku tsaka, loko ku ri ku rhandza ka Xikwembu kutani ndzi ya wisa eka n'wina.

Varhoma 15:23

Kambe sweswi, a ndza ha ri na lexi ndzi khomeke etikweni leri; kutani leswi-ke, hi malembe layo tala ndzi naveleke ku mi endzela,

Timhaka 19:21

Hinkwaswo leswo loko swi herile, Pawulo a ehleketa ku ya eYerusalema, a ta hundza eMakedoniya, ni le Akaya, a ku: “Kutakuloko ndzi yile kona, ndzi fanela ni ku vona eRhoma.”

2 SAMIELE 13:39

Kutani hosi Davhida a tshika ku landzelela Abixalomu, hikuva a a chaveleriwile hikwalaho ka rifu ra Aminoni.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

2 Vakorinto 11:4

Hikuva loko ku fika un'wana eka n'wina, a mi dyondzisa Yesu un'wana, a nga ri loyi hi mi dyondziseke yena, ni Moya wumbe, wu nga ri lowu mi wu amukeleke, ni Evhangeli yimbe, yi nga ri leyi mi yi amukeleke, a mi ta swi yingisa swinene.

2 SAMIELE 23:15

Davhida a sungula ku navela, a ku: “I mani la nga ta ndzi nwisa mati ya xihlovo lexi nga enyangweni ya Betlehema xana?”

Genesa 31:30

Kambe sweswi leswi u nga boha ndlela ya wena, hikuva u naverile ngopfu yindlu ya tata wa wena, xana u ndzi yivele yini swikwembu swa mina?”

Varhoma 1:12

hileswaku loko ndzi ri eka n'wina, hi chavelelana hi ku pfumela loku hi nga na kona swin'we, n'wina na mina.

2 Vakorinto 1:15

Kuteloko ndzi ri karhi ndzi tshembile sweswo, a ndzi rhandzile ku ta eka n'wina eku sunguleni, mi ta nyikiwa tintswalo ta vumbirhi.