Vaheveru 9:5 - Xitsonga (Bibele)

⁵ Kutani ehenhla ka areka a ku ri ni tikerubu to kwetsima leto wungameleke vukhongelelo; kambe sweswi a hi nkarhi wa ku vula swilo leswi ha xin'we.

BIBELE Mahungu Lamanene

⁵ Ehenhla ka areka ya ntwanano a ku ri ni tikerubu leto vangama leti a ti ungamerile xitshamu xa ndzivalelo. Kambe hi nga ka hi nga hlayi swilo leswi ha xin'we-xin'we.

Testamente Leyimpsha Xichangana

⁵ Henhla ka areka ya ntwananu akuli ni tikerubi letovangama leti andzhuti wa tona awufunengeta ndhawu ya vurivalelo ya svijoho. Kambe hingakala hingahlayi svilo lesvi ha xin'we xin'we.

Vaheveru 9:5 Referans Kwoze

Tinhlayo 7:89

Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.

Levhitika 16:2

Yehovha a ku eka Muxe: “Byela Aroni, makwenu, a nga tshuki a nghena hi mikarhi hinkwayo evukwetsimelweni, endzeni ka nguvu ya xisirhelo emahlweni ka vukhongelelo lebyi nga earekeni, a nga ta tshuka a fa; hikuva ndzi ta tikombisa epapeni ehenhla ka vukhongelelo.

Pisalema 99:1

Yehovha wa fuma, matiko ma rhurhumela; U tshamile exikarhi ka tikerubu; misava ya tsekatseka.

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

Levhitika 16:13

a veka mirhi ya risuna emakaleni, emahlweni ka Yehovha, kutani papa ra musi wa mirhi ri ta funengeta vukhongelelo lebyi nga ehenhla ka vumbhoni, leswaku a nga ti fa.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

1 TIKRONIKA 28:11

Kutani Davhida a nyika Solomoni n'wana wa yena, xifaniso xa nyangwa ya tempele, ni xa tindlu ta yona, ni xa tindlu ta xuma xa yona, ni swa makamara lawa tlakukeke ta yona, ni xa makamara ya le xikarhi ka yona, ni xa yindlu ya vukhongelelo.

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

1 SAMIELE 4:4

Kavaloko tiko ri rhuma vanhu eXilo, kutani va tisa areka ya ntwanano wa Yehovha wa mavandla, la tshamaka xikarhi ka tikerubu. Na vona vana vambirhi va Heli, Hofini na Finiyasi, a va ri kona, ni areka ya ntwanano wa Xikwembu.

Vaefesa 3:10

leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

Varhoma 9:4

va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;