Vaheveru 9:26 - Xitsonga (Bibele)

²⁶ hikuva loko a swi nga ri tano, a a fanele ku twa ku vaviseka kanyingi, ka hari mpfhuka misava yi tumbuluka; kambe sweswi, kuteloko mikarhi yi hetisekile, u humelele kan'we ku herisa ku dyoha hi ku tiendla gandzelo.

BIBELE Mahungu Lamanene

²⁶ Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

Testamente Leyimpsha Xichangana

²⁶ Hikuva loko svilitano, Kriste aatava afanela kutwisiwa kuvaviseka hi kuphindhaphindha, kusukela loko misava yitumbulukile. Kasi, hilaha svingahakona, ahumelele kan'we ntsena svihela kolaho, svosvi kungafika minkarhi ya makumu, ayendlela kususa xijoho hi kutinyiketa ka yena ava mhamba.

Vaheveru 9:26 Referans Kwoze

1 Petro 1:20

loyi a nga tiviwa hi Xikwembu misava yi nga si tumbuluka, kutani a kombisiwa hi mikarhi ya ku hela hikwalaho ka n'wina,

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

Vaheveru 10:4

hikuva ngati ya tinkunzi ni ya swiphongo yi tsandzeka ku susa xidyoho.

Vaheveru 7:27

la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.

Vaheveru 10:12

kambe yena, kuteloko a humesile mhamba yi ri yin'we hikwalaho ka vudyoho, u titshamele evokweni ra xinene ra Xikwembu hilaha ku nga heriki,

Vaheveru 10:10

Hi ku rhandza kuloko, hi basisiwa hi magandzelo ya miri wa Yesu Kriste, lama nga endliwa kan'we.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Nhlavutelo 17:8

Xivandzana lexi u xi voneke a xi ri kona, kambe a xa ha ri kona; xi ta huma ekheleni kutani xi ya eku loveni. Lava akeke emisaveni, lava mavito ya vona ma nga tsariwangiki ebukwini ya vutomi ka ha ri mpfhuka loko misava yi tumbuluka, va ta hlamala loko va vona xivandzana, hikuva a xi ri kona, kutani a xa ha ri kona, kasi xi ta tlhela xi va kona.

Vaheveru 4:3

Hikuva hi ta nghena eku wiseni, hina lava pfumeleke, hilaha xi nga te: “Hi leswi ndzi hlambanyeke evukarini bya mina leswaku va nga ti nghena eku wiseni ka mina,” hambi mitirho yi tirhiwile ku sukela eku vumbiweni ka misava.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vaefesa 1:10

leswaku mikarhi leyi vekiweke hi xona, loko yi herile, xi ta hlengeleta hinkwaswo eka Kriste, hambi swi ri swa le matilweni, hambi swi ri swa laha emisaveni.

1 Vakorinto 10:11

Timhaka teto hinkwato ti va humelele leswaku xi va xitsundzuxo; kambe ti tsariwile leswaku hi dyondza ha tona, hina lava humeleleke emikarhini ya makumu.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Vaheveru 10:26

Hikuva kungakuloko hi dyoha ha vomu, leswi hi nga amukela ku tiva ka ntiyiso, a ka ha ri na mhamba ya ku susa vudyoho,

Vagalatiya 4:1

Kutani ndzi ri: Loko mudyi wa ndzhaka a ha ri ntsongo, a ku na laha a nga faniki na nandza, hambi a ri yena n'wini wa hinkwaswo;

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Ntirho 7:21

A ku ndzi khomeri ku dyoha ka mina ha yini, U va u susa ku homboloka ka mina-ke? Hikuva ndzi ya etlela entshurini, U ta ndzi lava, kutani ndzi ta pfumaleka.”

2 SAMIELE 24:10

Kuteloko Davhida a hlayile tiko, ripfalo ra yena ri n'wi tlhava. Kutani Davhida a ku eka Yehovha: “Ndzi dyohile ngopfu eku endleni ka mina! Sweswi, oho Yehovha, wanga susa ku dyoha ka nandza wa wena, hikuva kunene ndzi hungukile.”

2 SAMIELE 12:13

Kutani Davhida a ku eka Natani: “Ndzi dyohele Yehovha.” Kutani Natani a ku eka Davhida: “Yehovha u hundzisile xidyoho xa wena; u nga ka u nga fi;

Pisalema 103:12

Hi laha vuxa byi hambaneke ni vupeladyambu, U hambanyisile sweswo ku dyoha ka hina kule na hina.

Matewu 13:39

Nala la byaleke mfava, i Diyavulosi; ku tshovela, i makumu ya mikarhi leyi; vatshoveri, vona, i tintsumi.

Matewu 13:40

Kukotisa loko mfava wu tsuvuriwa, wu ya hisiwa endzilweni swi ta va sweswo emakun'wini ya mikarhi leyi.

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.