Vaheveru 9:19 - Xitsonga (Bibele)

¹⁹ Hikuva Muxe, kuteloko a byerile tiko hinkwaro ku lerisa hinkwako ka nawu, u teke ngati ya marhole ni ya swiphongo, yi nga ni mati, ni voya lebyo tshwuka, ni hisopa, a xuva yona buku, ni tiko hinkwaro, a ku:

BIBELE Mahungu Lamanene

¹⁹ Hikuva loko xileriso xin'wana ni xin'wana xa Nawu xi tivisiwile hi Muxe eka vanhu hinkwavo, ú tekile ngati ya marhole ni mati, a teka ni voya byo tshwuka ni matluka ya hisopa, a xuva ha swona buku ya Nawu ni vanhu hinkwavo,

Testamente Leyimpsha Xichangana

¹⁹ Hikuva loko xileriso xin'wana ni xin'wana xa Nawu xitivisiwile hi Moxe ka vanhu hinkwavu, atekile ngati ya marhole ni mati, ateka ni voya ropshuka ni xiphundla xa hisopa, an'watsekela buku ya Nawu hasvona ni vanhu hinkwavu,

Vaheveru 9:19 Referans Kwoze

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Tinhlayo 19:18

kutani munhu la tengeke u ta teka hisopa, a yi peta ematini, kutani u ta xuva ntsonga ni swibya hinkwaswo, ni vanhu hinkwavo lava nga kona, ni loyi a khumbeke marhambu, hambi munhu la dlayiweke, hambi mufi, hambi sirha.

Tinhlayo 19:6

Muprista u ta teka murhi wa kedari ni hisopa ni karmesi a swi hoxa endzilweni, laha homu yi hisiwaka kona.

Vaheveru 10:4

hikuva ngati ya tinkunzi ni ya swiphongo yi tsandzeka ku susa xidyoho.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Yohane 19:5

Yesu a humela ehandle, a tlhandlekiwile harhi ya mitwa enhlokweni, a funengele xivunguvungu. Kutani Pilato a ku eka vona: Hi yeloye munhu.

Yohane 19:2

Kutani tinhenha ti luka harhi ya mitwa, ti n'wi tlhandleka yona enhlokweni; ti n'wi funengeta hi nguvu ya xivunguvungu,

Marka 15:20

Kuteloko va n'wi tseketserile, va n'wi funungula nguvu ya xivunguvungu, va n'wi ambexa tinguvu ta yena, kutani va famba na yena ku ya n'wi vamba.

Marka 15:17

Kuteloko va n'wi funengetile hi nguvu ya xivunguvungu, va luka harhi ya mitwa, va n'wi rhwexa enhlokweni.

Matewu 27:28

kutani va n'wi susa tinguvu, va n'wi ambexa nguvu ya xivunguvungu.

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Levhitika 3:6

“ ‘Loko nhlengo wa yena wa gandzelo ra ku khensa Yehovha, xi ri xifuwo lexitsongo xa xinuna, hambi swa ntswele, u ta xi humesa xi nga ri na xivati.

Levhitika 1:10

“ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Eksoda 12:22

Mi ta teka switluka swa hisopa, mi swi peta engatini, leyi nga ta va enkambaneni, mi xuva emarimbeni ya tinyangwa hi ngati leyi nga enkambaneni, kutani ku nga tshuki ku huma munhu endlwini ya yena ku fika nimixo.

Pisalema 51:7

Ndzi basise hi hisopa, hi kona ndzi nga ta tenga; Ndzi hlantswe kutani ndzi ta basa ku tlula gamboko.

Vaheveru 12:24

ni le ka Yesu, mulamuri wa ntwanano lowuntshwa, ni le ka ngati leyi ku xuviwaka ha yona, leyi vulaka timhaka leti tlulaka ta ngati ya Avele hi ku saseka.

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Vaheveru 9:13

Hikuva leswi ngati ya tinkunzi, ni ya swiphongo, ni nkuma wa rhole, lowu ku hungiwaka ha wona lava nga ni thyaka, yi tivaka ku hlantswa hitlhelo ra nyama,

Vaheveru 9:18

Hikwalaho ntwanano lowo rhanga, na wona, a wu sunguriwanga wu nga ri na ngati.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,