Vaheveru 9:11 - Xitsonga (Bibele)

¹¹ Kambe Kriste loko a humelele, a ri muprista lonkulu wa swilo swo saseka leswi nga ta ta, u tsemakanyile tabernakela leyi tlurisaka hi vukulu ni ku hetiseka, leyi nga endliwangiki hi mavoko, hileswaku leyi nga riki ya misava leyi,

BIBELE Mahungu Lamanene

¹¹ Kambe Kriste ú tile a ri Muprista Lonkulu wa swilo leswinene leswi humeleleke, kutani ú tirha swa vuprista entsongeni lowu tlulaka mintsonga yin'wana hi vukulu ni ku hetiseka, lowu nga akiwangiki hi mavoko, hileswaku lowu nga riki wa laha misaveni leyi.

Testamente Leyimpsha Xichangana

¹¹ Kambe Kriste atile na ali Muprista lwenkulu wa svilo lesvinene lesvihumeleleke, kutani atirha sva vuprista tabernakeleni leyitlulaka matabernakele man'wana hi vukulu ni kuhetiseka, leyingayakiwangiki hi mavoko, hi lesvaku yingaliki ya laha misaveni.

Vaheveru 9:11 Referans Kwoze

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

Vaheveru 10:1

Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.

Marka 14:58

“Hi n'wi twile, a ku: ‘Ndzi ta hlanhla tempele leyi, leyi akiweke hi mavoko, ndzi ta aka yin'wana hi masiku manharhu, leyi nga endliwangiki hi mavoko.’ ”

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Timhaka 7:48

Ntsena, La nge henhlahenhla, a nga ka a nga aki etitempeleni leti endliweke hi mavoko ya vanhu; hilaha muprofeta a vuleke loko a te:

2 Yohane 1:7

Hikuva vaxisi lavo tala va tile emisaveni, lava landzulaka leswaku Yesu Kriste u tile hi nyama; la vulaka sweswo, hi yena muxisi ni Antikriste.

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Yohane 4:25

Wansati a ku eka yena: “Ndza swi tiva leswaku Mesiya, la vuriwaka Kriste, wa ta; loko a tile, u ta hi tivisa timhaka hinkwato.”

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Pisalema 40:7

Kutani ndzi te: “Vona, ndzi tile Hi laha ku tsariweke hakona hikwalaho ka mina ebukwini.

Vaheveru 7:1

Hikuva Melkisedeke yeloyi, hosi ya Salema, muprista wa Xikwembu lexi nge henhlahenhla, yeloyi a nga ya hlangana na Abrahama siku a vuyaka eku hluleni ka tihosi, a va a n'wi katekisa,

Esaya 59:20

“Ku ta ta loyi a nga ta kutsula Siyoni, ni va ka Yakobo lava nga ta hundzuka eku tiariseni ka vona,” ku vula Yehovha.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Matewu 11:3

“Xana hi wena la taka, kumbe ha ha langutela un'wana xana?”

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Yeremiya 33:8

Ndzi ta va basisa eku hombolokeni hinkwako ka vona loku va ndzi dyoheleke hakona, ndzi va tshikela swidyoho hinkwaswo leswi va ndzi dyoheleke ha swona, leswi va nga ndzi pfukela ha swona.

2 Vakorinto 4:18

hikuva hi langutela swi nga ri leswi voniwaka, kambe swi ri leswi nga voniwiki, hikuva leswi vonakalaka, i swa mikarhi leyi ntsena, kasi leswi nga vonakiki, swi nga ka swi nga vi na makumu.

Vaheveru 12:27

Kutani loko a ku: “Hi nkarhi wun'wana,” hi ku ringanisa ku susa ka leswi tsekatsekaka, hikuva swi endliwile, leswaku ku ta sala leswi nga tsekatsekiki.

Vaheveru 13:14

Hikuva kwala, a hi na muti lowu tiyeke, kambe hi lava lowu nga ta humelela.