Vaheveru 8:13 - Xitsonga (Bibele)

¹³ Leswi a vulaka ntwanano lowuntshwa, u vula leswaku lowo sungula hi lowu hlakaleke. Kutani leswi hlakaleke ni leswi dyuhaleke, swi kusuhi ni ku hela.

BIBELE Mahungu Lamanene

¹³ Loko Xikwembu xi vulavula hi “ntwanano lowuntshwa”, xi teka lowo sungula wu va lowu nga ha tirhiki; kutani leswi swi nga ha tirhiki, leswi hlakalaka, swi le kusuhi ni ku nyamalala.

Testamente Leyimpsha Xichangana

¹³ Loko Xikwembu xivulavula hi “ntwananu lowumpsha”, xiteka lowosungula wuva lowungahatirhiki; kutani lesvi svingahatirhiki, lesvihlakalaka, svi le kusuhi ni kunyamalala.

Vaheveru 8:13 Referans Kwoze

2 Vakorinto 5:17

Hikwalaho, loko munhu a ri eka Kriste, i xivumbiwa lexintshwa; swa khale swi herile; hinkwaswo swi sasekisiwile.

Vaheveru 9:15

Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

1 Vakorinto 13:8

Rirhandzu ri nga ka ri nga heri, ni siku ni rin'we. Kasi loko byi ri vuprofeta byi ta hela, na tona tindzimi ti ta tshika ku va kona, ni ku tiva ku ta hela.

Esaya 51:6

Tlakusani mahlo ya n'wina le matilweni, kutani mi languta ehansi emisaveni hikuva matilo ma ta tlhaka tanihi musi, kutani misava yi ta hlakala tanihi nguvu, vaaki va yona va ta fa tanihi tinhongana, kambe ku hlayiseka ka mina ku ta tshama hi masiku, ku lulama ka mina a ku nga heri.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Luka 22:20

A endlisa sweswo ni xinwelo, loko va lalele, a ku: “Xinwelo lexi, i ntwanano lowuntshwa engatini ya mina, leyi halateriwaka n'wina.

2 Vakorinto 3:6

kambe matimba ya hina ma huma eka Xikwembu xi nga xona lexi hi nyikeke matimba ya ku tirhela ntwanano lowuntshwa, wu nga ri wa letere, kambe wu ri wa Moya; hikuva letere rona ra dlaya, kambe Moya wa hanyisa.

Vaheveru 1:11

wona ma ta lova, kambe wena u tshama hi masiku, kutani ma ta hlakala hinkwawo kukotisa nguvu.

Vaheveru 7:22

Hi mukhuva lowo, Yesu u vekiwile mulamuri wa ntwanano lowu tlulaka wa khale kwalaho.

Vaheveru 8:6

Kambe sweswi, Kriste u kumile ntirho lowu tlulaka yin'wana swonghasi, leswaku a va mulamuri wa ntwanano lowu sasekeke hi ku tluriswa lowu tiyisiweke hi ku tshembisa loku tlurisaka hi ku saseka.

Vaheveru 8:8

Hikuva xi vulavule na vona hi ku tshinya, xi ku: “Masiku ma ta, ku vula Hosi, lawa ndzi nga ta endla ha wona ntwanano lowuntshwa ni yindlu ya Israele, ni yindlu ya Yuda,

Vaheveru 12:24

ni le ka Yesu, mulamuri wa ntwanano lowuntshwa, ni le ka ngati leyi ku xuviwaka ha yona, leyi vulaka timhaka leti tlulaka ta ngati ya Avele hi ku saseka.