Vaheveru 8:11 - Xitsonga (Bibele)

¹¹ Kutani a va nga ha tshami va dyondzisana, un'wana ni un'wana a dyondzisa warikwavo, kumbe makwavo, a ku: ‘Tiva Hosi!’ Hikuva va ta ndzi tiva hinkwavo ku sungula hi lontsongo, ku ya fika eka lonkulu.

BIBELE Mahungu Lamanene

¹¹ A ku nga ha vi na loyi a dyondzisaka muakelani kumbe makwavo, a ku: ‘Tiva Hosi!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu.

Testamente Leyimpsha Xichangana

¹¹ Akungahavi na lweyi ajondzisaka muyakelani kumbe makwavu, aku: ‘Tiva Hosi!’ Hikuva vanhu hinkwavu vatanitiva, kusukela ka lwentsongo kuyafika ka lwenkulu.

Vaheveru 8:11 Referans Kwoze

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Timhaka 8:10

A va n'wi namarhela hinkwavo, ku sungula hi lontsongo ku fikela eka lonkulu, va ku: “Loyi, i matimba lamakulu ya Xikwembu.”

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Ezekiele 34:30

Kutani va ta tiva leswaku mina Yehovha, Xikwembu xa vona, ndzi na vona, ni leswaku vona va yindlu ya Israele i vanhu va mina, ku vula Hosi Yehovha.

Ezra 7:25

“Loko u ri wena, Ezra hi vutlhari bya Xikwembu xa wena lebyi u nga na byona, wanga veka vaavanyisi, ni vakamberi va ku avanyisa tiko hinkwaro ra hase ka nambu, va ri hinkwavo lava tivaka milawu ya Xikwembu xa wena; loko a ri un'wana ni un'wana la nga yi tiviki, mi n'wi dyondzisa yona.

2 TIKRONIKA 30:22

Hezekiya a khongotela hi marito lamanene Valevhi hinkwavo lava tlhariheke entirhweni wa Yehovha. Kutani va dya hi masiku ya ntlhanu na mambirhi leswi lerisiweke va ri karhi va tlhava magandzelo ya ku khensa, va dzunisa Yehovha, Xikwembu xa vatata wa vona.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Yeremiya 42:1

Tindhuna hinkwato ta mavandla, ti ri na Yohanani, n'wana Kariyaka, na Yezaniya n'wana Hoxaya, ni tiko hinkwaro lavatsongo ni lavakulu, va tshinelela, va ku eka muprofeta Yeremiya:

Yeremiya 42:8

Kutani a vitana Yohanani, n'wana Kariyaka, ni tindhuna hinkwato ta mavandla lawa ingi a ri na wona, ni tiko hinkwaro, lavatsongo ni lavakulu,