Vaheveru 8:10 - Xitsonga (Bibele)

¹⁰ Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

BIBELE Mahungu Lamanene

¹⁰ Lowu hi wona ntwanano lowu ndzi nga ta wu endla ni Vaisraele, endzhaku ka masiku walawo, ku vula Hosi: Ndzi ta nghenisa milawu ya mina emiehleketweni ya vona, ndzi yi tsala etimbilwini ta vona, kutani ndzi ta va Xikwembu xa vona, vona va va vanhu va mina.

Testamente Leyimpsha Xichangana

¹⁰ Lowu hi wona ntwananu lowu ningatawuyendla ni Vaisrayele, ndzhaku ka masiku wolawo, kuvula Hosi: Nitanghenisa milawu ya mina miyehleketweni ya vona, niyitsala timbilwini ta vona, kutani nitava Xikwembu xa vona, vona vava vanhu va mina.

Vaheveru 8:10 Referans Kwoze

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

2 Vakorinto 3:3

hikuva ma vonakisa leswaku mi mapapila ya Kriste, lama lunghisiweke hi Mitirho ya hina, lama tsariweke, ku nga ri hi inki, kambe hi Moya wa Xikwembu lexi hanyisaka, lama tsariweke ku nga ri ematambheni ya maribye, kambe ematambheni ya nyama, leti nga timbilu ta n'wina.

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Varhoma 11:27

“kutani hi wona ntwanano lowu ndzi nga ta va tiyisela wona, siku ndzi susaka swidyoho swa vona.”

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

1 Petro 1:23

mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Ezekiele 37:27

Vutshamo bya mina byi ta va kona exikarhi ka vona, ndzi va Xikwembu xa vona, na vona va va tiko ra mina.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Yeremiya 32:40

Ndzi ta endla ntwanano lowu nga heriki na vona, leswaku ndzi nga ka ndzi nga va fularheli, ndzi ta va endla swinene, ndzi veka xichavo xa mina etimbilwini ta vona, va nga ha ndzi fularheli.

Yeremiya 32:38

Ri ta va tiko ra mina, mina ndzi va Xikwembu xa vona.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo’? Xikwembu a hi Xikwembu xa lava feke, kambe i xa lava hanyaka.”

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Eksoda 34:27

Yehovha a engeta, a ku eka Muxe: “Tsala marito lawa, hikuva ndzi endlile ntwanano na wena na Israele hi marito lawa.”

Ezekiele 39:22

Kutani yindlu ya Israele yi ta tiva leswaku hi mina Yehovha, Xikwembu xa yona, ku suka siku rero ni le mahlweni;

Risimu ra Tinsimu 2:16

Murhandziwa wa mina i wa mina, mina ndzi wa yena; U dyisela mitlhambi ya yena exikarhi ka makhon'wa,

Eksoda 24:4

Muxe a tala marito hinkwawo ya Yehovha, kutani a pfuka nimpundzu, a aka alitari ehansi ka ntshava, a yimisa maribye ya khume na mambirhi, ku ringanisa tinyimba ta Israele ta khume na timbirhi.

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Yeremiya 31:1

“Enkarhini wolowo, ku vula Yehovha, ndzi ta va Xikwembu xa tinxaka hinkwato ta Israele; tona, ti va tiko ra mina.”

Hosiya 2:23

Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

Eksoda 24:7

A teka ni buku ya ntwanano, a hlaya emahlweni ka tiko; kutani tiko ri ku: “Hinkwaswo leswi Yehovha a swi vuleke hi ta swi yingisa, hi va hi swi endla.”

Eksoda 34:1

Kutani Yehovha a ku eka Muxe: “Vatla maribye mambirhi lama fanaka ni lawo rhanga, kutani ndzi ta tsala emaribyeni lawa marito lama ngi ma ri emaribyeni yo sungula lawa u ma fayeke.

1 Vakorinto 6:16

E-e, ni ku ringa! Xana a mi swi tivi leswaku la tihlanganisaka ni mbiri u tiendla miri wun'we na yona xana? Hikuva va te: “Vambirhi yi ta va nyama yin'we ntsena!”