Vaheveru 7:6 - Xitsonga (Bibele)

⁶ kambe la nga hlayiwiki erixakeni ra vona u tekile swa vukhume eka xuma xa Abrahama, a va a katekisa loyi a nga ni ku tshembisa.

BIBELE Mahungu Lamanene

⁶ Kambe munhu loyi, hambileswi a nga riki wa rixaka ra Valevhi, ú amukele vukhume byo huma eka Abrahama, a tlhela a katekisa Abrahama loyi a a ri ni switshembiso.

Testamente Leyimpsha Xichangana

⁶ Kambe munhu lweyi, hambilesvi angaliki wa rixaka ra Valevhi, ayamukele sva vukhume bzohuma ka Abrahamu, atlhela akatekisa Abrahamu lweyi aali ni svitshembiso.

Vaheveru 7:6 Referans Kwoze

Varhoma 4:13

Hambi ku ri ku hlayeriwa leswaku a ta va mudyandzhaka wa misava, a ku nyikiwanga Abrahama ni vatukulu va yena hi nawu kambe ku nyikiwile hi ku lulama ka ku pfumela.

Vaheveru 11:17

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe,

Vaheveru 7:1

Hikuva Melkisedeke yeloyi, hosi ya Salema, muprista wa Xikwembu lexi nge henhlahenhla, yeloyi a nga ya hlangana na Abrahama siku a vuyaka eku hluleni ka tihosi, a va a n'wi katekisa,

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.

Varhoma 9:4

va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;

Timhaka 3:25

Hi n'wina vana va vaprofeta ni va ntwanano lowu Xikwembu xi nga wu endla ni vatata wa hina, loko xi ku eka Abrahama: Tinxaka hinkwato ta misava ti ta katekisiwa hi vatukulu va wena.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Vaheveru 11:13

Volavo hinkwavo va fele eku pfumeleni, va nga si nyikiwa leswi va swi tshembisiweke, kambe va swi vonile va ri ekule va swi tsakela, kutani va tivurile vaendzi ni valuveri emisaveni.

Genesa 12:13

Hikwalaho u nge u makwerhu, ndzi ta tiva ku rhurheriwa swinene hikwalaho ka wena, ndzi va ndzi hanya ha wena.

Vaheveru 7:7

Kasi a ku na ku ariwa loko va ku: Hi lontsongo, loyi a katekisiwaka hi lonkulu.