Vaheveru 7:27 - Xitsonga (Bibele)

²⁷ la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

BIBELE Mahungu Lamanene

²⁷ Ú hambanile ni vaprista lavakulu lavaya: A nga boheki ku rhanga a tihumesela, masiku hinkwawo, magandzelo yo riha swidyoho swa yena, a nga si humesela vanhu van'wana emagandzelo yo riha swidyoho swa vona. E-e! Leswi, ú swi endlile kan'we loko a tinyiketile hi yexe.

Testamente Leyimpsha Xichangana

²⁷ Ahambanile ni Vaprista lavakulu lavaya. Angaboheki kurhanga atihumesela timhamba toriha svijoho sva yena masiku hinkwawu na angasihumesela vanhu van'wana timhamba toriha svijoho sva vona. Ahihim! Lesvi, asviyendlile kan'we loko atinyiketile hi yexe.

Vaheveru 7:27 Referans Kwoze

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vaheveru 5:3

Kutani hikwalaho ka yona, swa n'wi fanela leswaku a tihumesela magandzelo hikwalaho ka swidyoho swa yena, kukotisa loko a humesele tiko.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Varhoma 6:10

Hikuva eku feni ka yena, u fele vudyoho kan'we; kambe eku hanyeni ka yena, u hanyela Xikwembu.

Vaheveru 9:25

swi nga ri leswaku a tiendla kangani mhamba kukotisa muprista lonkulu, loko a nghena evukwetsimelweni hi lembe rin'wana ni rin'wana, a tamele ngati leyi nga riki ya yena,

Levhitika 16:11

“Aroni u ta tisa nkunzi ya gandzelo ra xidyoho leyi nga ya yena, a tiphahlela mhamba swin'we ni va yindlu ya yena; u ta tlhava nkunzi leyi nga ya yena ya gandzelo ra xidyoho.

Vaheveru 9:7

kambe loko ku ri etabernakeleni ya vumbirhi, ku nghena eka yona muprista lonkulu ntsena, a nghena kan'we hi lembe, kambe a nga ngheni loko a nga ri na ngati leyi a yi humesaka hikwalaho ka yena, ni ka ku dyoha ka tiko.

Vaheveru 5:1

Hikuva muprista lonkulu, hambi a ri mani na mani, leswi a tekiwaka exikarhi ka vanhu, a vekeriwa ta Xikwembu hikwalaho ka vanhu, leswaku a ta humesa mihlengo ni magandzelo hikwalaho ka swidyoho,

Levhitika 16:15

“Kutani u ta tlhava xiphongo xa gandzelo ra vudyoho, leri nga ra tiko, a va a tisa ngati ya xona endzeni ka nguvu ya xisirhelo; u ta endla hi ngati leyi kukotisa leswi a swi endleke hi ngati ya nkunzi; a xuva ha yona ehenhla ka vukhongelelo, ni le mahlweni ka byona.

Levhitika 16:6

Aroni u ta humesa nkunzi ya gandzelo ra xidyoho, a tiphahlela mhamba swin'we ni yindlu ya yena.

Vaefesa 2:22

na n'wina mi ri karhi mi akiwa swin'we eka yena ku va yindlu ya Xikwembu eMoyeni.

Ezekiele 43:19

U ta nyika vaprista va ka Levhi va nyimba ya Sadoki lava tshinelelaka emahlweni ka mina ku ndzi tirhela, ku vula Yehovha, u ta va nyika nkuzana yi va mhamba ya xidyoho.

Vaheveru 8:4

Hikuva loko ingi a ri la emisaveni, a a nga ti va muprista, hikuva vaprista va kona lava humesaka nhlengo hi nawu;

Vaheveru 9:26

hikuva loko a swi nga ri tano, a a fanele ku twa ku vaviseka kanyingi, ka hari mpfhuka misava yi tumbuluka; kambe sweswi, kuteloko mikarhi yi hetisekile, u humelele kan'we ku herisa ku dyoha hi ku tiendla gandzelo.