Vaheveru 7:25 - Xitsonga (Bibele)

²⁵ Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

BIBELE Mahungu Lamanene

²⁵ Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Testamente Leyimpsha Xichangana

²⁵ Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Vaheveru 7:25 Referans Kwoze

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

1 Timotiya 2:5

hikuva Xikwembu i xin'we ntsena, ni Muhlanganisi i un'we ntsena exikarhi ka vanhu ni Xikwembu, a nga Yesu Kriste, munhu

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Varhoma 5:2

a nga yena loyi hi kumeke ha yena hi ku pfumela, nkarhi wa ku tshinelela tintswalo leti hi yimeke ka tona, kutani hi tidzunisa eku languteleni ka ku kwetsima ka Xikwembu.

Vaheveru 11:6

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Vaefesa 3:20

Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Esaya 59:16

Wa vona leswaku a ku na munhu kona, kutani a hlamala leswaku ku hava loyi a humelelaka; kutani voko ra yena ri n'wi pfuna, ni ku lulama ka yena ku n'wi seketela.

Yohane 14:13

Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Daniele 3:17

Loko swi nga endleka leswaku Xikwembu xa hina lexi hi xi tirhelaka xi hi ponisa, xi ta hi ponisa ekheleni ra ndzilo lowo leva ni le vokweni ra wena, hosi.

Ntirho 23:3

Yo! Loko ndzi nga tiva laha ndzi nga xi kumaka kona, Leswaku ndzi ta fika eka xiluvelo xa xona!

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Esaya 53:12

Hikwalaho ndzi ta n'wi nyika ku avela ka yena swin'we ni vakulukumba; u ta avelana rifuwo ni vanhu lava fumaka, hikuva a tinyiketele rifu, kutani u hlayiwa exikarhi ka swidyohi; kambe yena, hi xiviri xa yena, u rhwele nandzu wa vanhu vo tala, u ta khongelela swidyohi.

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Vaheveru 7:16

loyi a nga vekiwangiki hi nawu lowu lerisiweke hi nyama, kambe hi matimba ya vutomi lebyi nga heriki.

Vaheveru 2:18

Hikuva leswi a tweke ku vaviseka ni ku ringiwa, wa swi kota ku pfuna lava ringiwaka.

Vafilipiya 3:21

la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.

Yohane 14:16

Kutani mina ndzi ta khongela Tatana, a ta mi nyika Muchaveleri un'wana, leswaku a tshamisa na n'wina hilaha ku nga heriki;

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Esaya 45:24

Va ta ku: ‘Eka Yehovha ntsena ku kumiwa matimba ni ku lulama!’ ” Va ta ta eka yena va tele tingana, hinkwavo lava nga n'wi karihela.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Vaheveru 7:24

kambe yena, leswi a tshamaka hilaha ku nga heriki, u va ni vuprista lebyi nga hundziki.

Daniele 9:16

Oho Hosi! Hi ku lulama ka wena hinkwako, wa nga susa ku kariha ni ku leva ka wena eka muti wa wena wa Yerusalema, yi nga ntshava ya wena leyi hlawuriweke! Hikuva hikwalaho ka swidyoho swa hina, ni ku homboloka ka vatata wa hina, Yerusalema, ni tiko ra wena ri endliwe xisandzu eka hinkwavo lava hi rhendzelaka.

Daniele 3:15

Sweswi, loko mi tilunghisile, hi nkarhi lowu mi yingisaka mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa leswi yimbiwaka hinkwaswo, mi khinsama, mi gandzela xifaniso lexi ndzi xi endleke: Loko swi nga ri tano loko mi nga gandzeli, mi ta hoxiwa hi nomu lowu, ekheleni ra ndzilo lowo leva. Kutani xikwembu hi xihi lexi nga ta mi ponisa emavokweni ya mina xana?”

Vaefesa 3:12

yeloyi hi pfumeleriweke ha yena ku tshinelela Xikwembu hi ku tshemba, hi ku pfumela eka yena.

Vaheveru 7:8

Kutani kwalaho, lava tekaka swa vukhume i vanhu lava faka; kasi kwale, hi la vuriwaka leswaku wa hanya.

Ntirho 22:17

A va ku eka Xikwembu: ‘Tshinela kule! Xana Lowa matimba hinkwawo a nga hi endlela yini xana?’

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.